Қарағанды Қаздрамтеатрында "Режиссер" кітабының тұсаукесері өтті

Сәкен Сейфуллин атындағы Қарағанды облыстық академиялық қазақ драма театры жаңа, 93-ші театр маусымын ашты. 

Баспасөз конференциясында 1994 жылдан 2009 жылға дейін Қарағанды қаздрамтеатрының бас режиссері және көркемдік жетекшісі қызметін атқарған Әлімбек Оразбековтың "Режиссер" кітабы таныстырылды.

– Кітапта режиссердің бұрынғы жұмыстары, сондай-ақ ол туралы жазылған мақалалар мен естеліктер жинақталған. Кітап Әлімбек Оразбековтің 70 жылдығына орай жарық көрді, себебі оның 15 жылға жуық жұмысы С. Сейфуллин театрына тиесілі. Онда ол "Домалақ ана", "Ана – Жер-Ана", "Абай және Әбіш" және т. б. спектакльдер қойды. Сондай-ақ Әлімбек Оразбеков қарағандылық көрермендерге оның пьесасы негізінде қойылған "Бір түп алма ағашы" спектаклімен кеңінен танымал.  Бұл спектакль К. С. Станиславский атындағы орыс драма театрында қойылды. Қазіргі уақытта Әлімбек Оразбеков Алматыдағы М. Әуезов атындағы ұлттық қазақ драма театрының режиссері болып жұмыс істейді, – деді қаздрамтеатрдың директоры Құрман Қалымов.

Көрермендер үшін жаңа маусымның ашылуына Сәкен Сейфуллиннің әндері мен өлеңдеріне театрландырылған қойылым дайындалды.

Биыл оның туғанына 130 жыл және Қарағанды театрына оның есімі берілгеніне 60 жыл толады.