Қарағанды кітапханасында өткен кітап фестиваліне шетелдік жазушылар келеді

Отандық және шетелдік жазушылармен қарым-қатынас, интерактивті алаңдар, инсталляциялар және кітап жаңалықтарына шолу – 20 қыркүйекте Абай атындағы Қарағанды облыстық балалар кітапханасында үлкен мереке өтеді. Барлық ниет білдірушілерді Кitap Тime – 2024 III Республикалық кітап фестиваліне шақырады.

Бағдарламада көптеген қызықты шаралар қарастырылған. Қазақ, орыс және ағылшын тілдеріндегі кітап жаңалықтарының тұсаукесері. Бұл негізінен балалар мен жасөспірімдерге арналған заманауи басылымдар, аударма классика.

Жергілікті шебер Валерий Рогалев орындаған "Кеншілер қалашығы" инсталляциясы кеншілердің күрделі жұмысы туралы әңгімелейді.

Тіл сүйер қауым сағат 11:00-де қазақ тілінің "Күз белгілері" атты танымдық сабағына қатыса алады.

Сағат 14:00-де "Ертегілер мен әңгімелер сағаты" жобасы аясында дауыстап оқу басталады. № 21 орта мектептің кітапханашысы Алмагүл Ысқақова Әсел Имайоның "Сиқырлы скрипка ертегілері" шығармасын оқиды.

Ал сағат 15:00-де кітапханаға Израиль, Ұлыбритания, Беларусь, Ресей және Қазақстанның Еуропалық Жазушылар гильдиясының мүшелері жиналады. Балалар мен жасөспірімдерге қатысты жобалар таныстырылады.

"Жазушылар Қазақстанға сапармен келген болатын, соның аясында бір күнге Қарағандыға келеді. Кездесу бірнеше тілде өтеді. Қонақтар жас ақындарға немесе тәжірибелі авторларға шығармаларын шетелде шығаруға мүмкіндік беретін өз жобалары мен халықаралық бағдарламалары туралы әңгімелейді. Қарағандының шығармашыл жастарын қызықты әңгімеге шақырамыз", – дейді кітапханада.

Фестивальдің уақыты 11:00-ден 17:00-ге дейін.

Анықтама телефондары: (8-7212) 41-23-26, 41-23-25.