Балқаш қаласының кәсіпкері Made in Balkhash брендімен киім шығарады

Балқаш тұрғыны Мақсат Тақабаев дизайнерлік футболкалар жасайды. Ол осы күнге дейін жүзден астам тапсырысты орындап үлгерген екен. Оның өнімдерінің ерекшелігі - Made in Balkhash затбелгісінің болуында. Жас кәсіпкер жақында Балқаш қаласы әкімінің бизнесті дамытуға арналған грантын ұтып алды. Ол өз ісін кеңейтуге қаражат салуды жоспарлап отыр.

28 жастағы Мақсат Тақабаев болашақ дизайнерлік футболкаға сурет салмақшы. Кесте машинасының бағдарламасына тапсырыс беруші таңдаған эскиз жүктеледі. Шағын жазу немесе сурет салу 30 минут уақытты алады, суреттер бір сағатқа дейін кестеленеді.

- Біз өнімге Made in Balkhash деген жапсырмаларды тігеміз. Бұл заттың қайда жасалғанын көрсетеді. Сондай-ақ, тапсырыс берушінің өтініші бойынша әртүрлі сөздер мен суреттер саламыз, - дейді дизайнер.

Кестеден кейін мата тігіске беріледі. Мақсат Тақабаевтың анасы Гүлнәр Сыздықовада өнеркәсіптік тік бұрышты станок бар. Құрылғы минутына 4 мың айналымға арналған. Үш сағат ішінде матаның бір бөлігі дизайнерлік футболкаға айналады.

- Күніне біз үш-төрт футболка тіге аламыз, Егер таңертеңнен кешке дейін жұмыс істесек. Ең алдымен, біз сапамен ерекшеленеміз. Біз тек түрік маталарын қолданамыз, - дейді Гүлнәр Сыздықова.

Мақсат Тақабаевтың шағын шеберханасында отбасылық бизнес жарты жылдан бері жүргізіліп келеді. Сату әлеуметтік желілер арқылы жүріп жатыр. Карантинге қарамастан, жаңадан келген кәсіпкерлер жүзден астам футболка мен басқа киім жасап, сатқан.

Жақында жас кәсіпкер Балқаш әкімінің бизнесті дамытуға 2 миллион теңге грантын алды.

- Қазір біз кесте тігуді тұрмыстық машинамен жасаймыз. Бірақ бізде алдағы уақытта өнеркәсіптік кесте тігу жоспарымыз бар. Мұнда мүлдем басқа деңгей. Біз қалпақшаға, күртеге, аяқ киімге және т. б. жазулар тіге аламыз, - дейді Мақсат Тақабаев

Балқаш қаласы әкімінің грантын тағайындау конкурсында тағы ісін жаңа бастаған екі кәсіпкер миллион және миллион төрт жүз мың теңге ұтып алды. Қалада жартылай фабрикаттар өндірісі басталып, "Өзіңізбен бірге Кофе" дүкені ашылады.

Жастар кәсіпкерлігін қолдау бойынша қала әкімінің жыл сайынғы грантына барлығы сегіз адам үміткер болды.