Қарағанды облысында 102 мыңнан астам адам 42 500 әлеуметтік төлем алды
Қарағанды облысында 102 479 адам 42 500 теңге көлемінде біржолғы әлеуметтік төлем алды. Өтінімдерді қабылдау 1 қыркүйекке дейін жалғасады.
Қазақстанда шілде айында қатаң карантиндік шаралардың енгізілуіне байланысты табысынан толық айырылған адамдарға 42 500 теңге төлеу қайта жанданды. Жәрдемақы алуға 115 394 адам өтініш берген. Олардың кейбіреулеріне табысынан толық айырылмауына байланысты төлемдер берілмейді.
Облыста халықты жұмыспен қамту мәселелері бойынша 18 аудандық (қалалық) штаб жұмыс істейді. Бүгінгі таңда 4 119 бос жұмыс орны бар. Бұл негізінен құрылысшылар мен қызмет көрсету мамандары сияқты жұмысшы мамандықтар. Сондай-ақ, мұғалімдер, медицина қызметкерлері және басқа да мамандықтар сұранысқа ие.
Егер қызметкер қандай да бір себептермен жұмыстан босатылса немесе қысқартылса, ол бос жұмыс орындарын ұсынатын жұмыспен қамту орталығына жүгінуі керек. Егер қолайлы болмаса, онда үш күн ішінде азаматқа жұмыссыз мәртебесі беріледі және қатарынан алты айға дейін алуға болатын жұмыссыздық бойынша жәрдемақы беріледі.
Естеріңізге сала кетейік, бір жолғы төлем 42 500 теңге табысын толық жоғалтқан жағдайда тағайындалады.
Жәрдемақыға: жалақысы сақталмайтын демалыста жүрген қызметкерлер (шаруашылық жүргізу құқығындағы мемлекеттік кәсіпорындардың қызметкерлерінен басқа, екінші деңгейдегі банктердің, мемлекеттік заңды тұлғалардың қызметкерлерін қоспағанда) үміткер бола алады. Төлемді жеке кәсіпкерлер мен жеке тәжірибемен айналысатын адамдар, сондай-ақ азаматтық-құқықтық шарттар бойынша табыс алатындар және бірыңғай жиынтық төлемді төлеушілер ала алады.
Қызметкерлер үшін жұмыс беруші өтініш беруі керек. Жеке кәсіпкерлер, жеке тәжірибемен айналысатын адамдар және фрилансерлер өз атынан өтініш бере алады.
Сіз келесі арналарды қолдана отырып өтініш бере аласыз:
- egov.kz "Электрондық үкіметтің" веб-порталы;
- 42500.enbek.kz порталы;
- телеграм-бот;
- 42500.enbek.kz Aitu қосымша мессенджерінде;
- екінші деңгейдегі банктердің мобильді қосымшалары мен интернет-ресурстары;
Сондай-ақ, әлеуметтік төлемдер проактивті форматта алынады. Бұл жағдайда 42 500 теңге тағайындауға өтініш талап етілмейді. Әлеуетті алушыға біржолғы төлемді тағайындауға келісім беру үшін ұялы байланыс құралдары арқылы СМС жіберіледі.
Өтінімдерді қабылдау 2020 жылдың 1 қыркүйегіне дейін жалғасады. Оларды ресімдеу үшін электрондық-цифрлық қолтаңба қажет.
42 500 теңге табыстарын ішінара жоғалтқандар; мемлекеттік жәрдемақы және зейнетақы алушылар; 2020 жылдың бірінші жартыжылдығында бірде-бір рет төлем жасамаған БЖТ төлеушілер; соңғы жартыжылдықта зейнетақы төлемдері жоқ азаматтық-құқықтық шарттар бойынша жұмыс істейтін фрилансерлер; пенитенциарлық жүйе мекемелеріндегі тұлғалар ала алмайды.