Мүгедектігі бар қарағандылықтар тегін курстарда тестілеуші және бағдарламашы мамандықтарын меңгере алады
Мүгедектігі бар және оларға қамқорлық жасайтын Қарағанды облысының тұрғындарынан тестілеуші және бағдарламалау (backend және frontend) сияқты бағыттар бойынша оқуға өтінімдер қабылданады. Курстарға 4 айлық теориялық сабақтар мен 2 айлық практика, соның ішінде Қарағанды ІТ-компанияларында тағылымдама кіреді.
Өтінімдер 20 қыркүйекке дейін қабылданады, оқу курсының басталуы 24–25 қыркүйекке жоспарланған.
Курстар кімге пайдалы болуы мүмкін:
- бағдарламашы болғысы келетіндерге;
- болашақ мансабын IT әлемімен байланыстыратындарға.
Оқыту "Террикон алқабы" базасында өтеді деп жоспарланған (Алалыкин көшесі, 12).
Сабақтарды халықаралық технопарктердің сертификатталған мамандары өткізеді.
Тіркелу немесе қосымша ақпарат алу үшін 8-776-5-444-666 нөміріне хабарласу қажет.
Курстардың мақсаты – оқыту ғана емес, мүгедектерді жұмысқа орналастыру.