Қазақстандықтар коронавирус бойынша қоғамдық бақылау тобына хабарламаларын Telegram-бот арқылы жібере алады
Қазақстанда https://t.me/CovidControlKzBot атты жаңа Telegram-бот іске қосылды, оның көмегімен пайдаланушылар COVID-19 бойынша қоғамдық бақылау тобына хабарлама жібере алады.
Осы сервистің көмегімен қоғам белсенділері санитарлық нормалар мен карантин шараларының бұзылуы туралы хабарламалар, медициналық мекемелердің жұмысына шағымдар және медицина қызметкерлерінің жұмыс жағдайын жақсарту жөнінде ұсыныстар алады. Естеріңізге сала кетейік, қоғамдық бақылау тобы - азаматтық бастама, оның мақсаты - дәрігерлердің жұмыс жағдайына мониторинг жасау және медициналық мекемелерде пациенттерді емдеу, гуманитарлық көмекті бөлуге мониторинг жасау, пандемия жағдайында әлеуметтік және медициналық көмек алуда азаматтардың құқықтарының сақталуын бақылау. Қоғамдық бақылау Қазақстанның барлық облыстарында іске қосылып, ҚР Денсаулық сақтау министрлігі мен ҚР Ақпарат және қоғамдық даму министрлігінің қолдауына ие болды.