Қарағанды орталық саябағындағы караоке байқауында өзіңіздің вокалдық қабілетіңізді көрсете аласыз

Кеншілер мәдениет сарайы 12 тамыз сағат 19:00-де Қарағанды қаласының орталық саябағында City Voice караоке байқауын өткізеді. Оған кәмелетке толған әуесқой орындаушылар қатыса алады.

"Өз вокалдық деректеріңізді көрсету үшін ұйымдастырушыларға тіркелу қажет. Тіркеу сағат 18:00-де басталады және тікелей орталық саябақта, шағын сахнада (қайың аллеясының жанында) өтеді. Тіркелген алғашқы 25 қатысушы өнер көрсетеді", – деп хабарлады кеншілер мәдениет сарайы.

Байқау жеңімпаздары ақшалай сыйлықтармен марапатталады. Барлық қатысушылар алғыс хат алады.

Байқау жыл сайын 12 тамызда атап өтілетін Халықаралық Жастар күніне орай өткізіледі.

Анықтама телефоны: 8-702-164-81-87.