Қазақстан Магниткасының тарихы туралы сайт танымал болып келеді

Қарағанды облысында Қазақстан магниткасының тарихына арналған сайт құрылды. Авторлар құрылыстың басынан бастап қазіргі уақытқа дейін мұрағаттық фотосуреттердің үлкен қорын цифрлады. 1959 жылы түсірілген суреттер қазіргі ұрпаққа ен далада салынып жатқан металлургиялық алпауыттың құрылысын көрсетеді.

Қазақстан Магниткасының электронды нұсқасындағы фотошежіресі 3 шілде күні алғашқы қазақстандық шойынның алпыс жылдық мерейтойы күні таныстырылды. Фотосуреттермен және тарихи деректермен мына сілтеме бойынша танысуға болады: https://history.arcelormittal.kz/.

Келешек ұрпақ үшін металлургия тарихын сақтау идеясы «АрселорМиттал Теміртау» АҚ бұрыннан бері қолға алынып келеді. Жоспарды компанияның ІТ-мамандары жүзеге асырды.

Ресурс танымал. Іске қосылған сәттен бастап 10 мыңнан астам қарау тіркелді.

Сайт оңай және пайдаланатын етіп құрастырылған. Басты беттің төменгі жағында «таймлайн» орналасқан, ол бесжылдық нүктелермен белгіленген сызыққа ұқсас. Егер курсорды «таймлайнның» кез келген бөлігіне апарсаңыз, жылдарды білдіретін сандар пайда болады. Қажетті кезеңді таңдап, фотосуреттері бар мәзір пайда болады.

Жоғарғы сол жақ бұрышында Карметкомбинаттың медалі түріндегі батырма орналасқан. Оған бассаңыз, кәсіпорын басшыларына арналған бет ашылады.

1960 жылдың 3 шілдесінде алғашқы домна пеші қазақстандық шойын берген болатын. Осы күн Қазақстан Магниткасының туған күні болып саналады.

Ол кезде Вадим Романов балқыту ісін басқарды, аға көрікші Ахат Набигулин болды. Тәжірибелі шеберлермен бірге Қазақстан Республикасының болашақ Тұңғыш Президенті - жас металлург Нұрсұлтан Назарбаев тұңғыш қазақстандық шойынды балқытуға қатысты.

Металлургиялық комбинатта Домна цехын іске қосқан сәттен бастап 2020 жылдың 3 шілдесінде жүзеге асырылған мерейтойлық балқытуға дейін 204 522 157 тонна шойын өндірілді.

«АрселорМиттал Теміртау» АҚ баспасөз қызметінің ақпараты бойынша