Қарағандыда карантинге қарамастан жұмысын тоқтатпаған демалыс орындары анықталды

Қарағандыда карантин кезінде қызметіне тыйым салынған ойын-сауық орындарын анықтау жұмыстары жалғасуда. Қарағанды облысының өңірлік жедел штабының Орталық комиссиясы 11 шілдеде санитарлық ережелермен белгіленген талаптарды сақтау бойынша рейдтер өткізді.
Тәртіп бұзушылардың арасында қалада танымал кальян клубы болды. Мекеменің ішіне тек тұрақты клиенттерді кіргізген, олар әкімшіге қоңырау шалып, үстелдерді брондап отырған.
Жұмыс істеп тұрған клуб басшылығына 230 АЕК (640 мың теңге шамасында) айыппұл салынады. Көңіл көтеру мекемесінде демалушылар жауапкершілікке тартылмайды.
Полицейлер атап өткендей, ойын-сауық орындары карантин талаптарын елемеуде.
Сондай-ақ, жұмыс уақытын шектейтін кейбір қарағандылық дәмханалар мен автокөлік жуу орындары жауапкершілікке тартылды. Сонымен қатар, тамақтану нысандары өз мекемесінің үстелдеріне 30-дан астам адамды орналастырады, бұл да карантиндік нормаларға қайшы келеді.
Қарағандылықтарға тағы да еске саламыз, карантин кезінде қызметіне тыйым салынған көңіл көтеру орындары мен түрлі клубтарға бару кезінде сіз өз денсаулығыңызға ғана емес, сонымен қатар жақындарыңыздың денсаулығына да қауіп төндіреді.