Дәрі-дәрмектер бағасының негізсіз көтерілуіне қатысты қарағандылықтар қайда шағым жасаулары тиіс?

Қарағанды облысында дәрханалардағы медициналық препараттар мен маскалардың бағасын негізсіз көтергені үшін 8-701-7-109-109 (мессенджер WhatsАpp) нөмірі бойынша хабарласып, шағым айтуға болады. Бұл байланыс нөміріне сондай-ақ дәрі-дәрмектер алыпсатарлығымен айналысатын тұлғалар туралы да хабарлауға болады.

Бұл мәселелер бойынша senim 109  қызметіне жүгінуге қойылатын басты талап - ақпарат шынайы болуы тиіс. Анықталған заңбұзушылықтардың фотосын немесе бейнесін қоса берген абзал.

Өңір тұрғындарының өтініштерін мобильдік топтар өңдейді. Сонан соң олар шағымдар бойынша оқиға орындарына шығады.   

Сонымен қатар 8-701-7-109-109 нөмірі бойынша келесідей жағдайда шағым айтып, хабарласуға болады:
- жұмыс беруші қолданылған немесе жыртылған маска/қолғаптар берсе, не болмаса денсаулық сақтау құқығын басқалай бұзатын болса;

- ЖРВИ белгілері бар, яғни Covid-19 індетін тасымалдауы мүмкін тұлғаға жұмысқа шығуына рұқсат берсе;⠀
- қоғамдық орындарда, автобустарда, аялдамаларда антисанитарлық жағдайды байқасаңыз.

Егер сізде WhatsАpp болмаса, ереже бұзушылықтар жайлы 109 нөміріне,  Instagram senim 109 direct-ке немесе қыметтің Facebook-тегі парақшасына жазуға болады.  

Естеріңізге сала кетейік, қазақстандықтар медициналық препараттардың негізсіз көтерілген бағасына DariKZ мобильдік қосымшасында да шағым бере алады.⠀

Онда Қазақстанда тіркелген препараттардың шекті рұқсат етілген бағасы белгіленген.

Сонымен қатар, бұл қосымшада келесідей ақпараттар бар:

- препараттар түпнұсқа немесе дженерик болып табыла ма;

- баламалары бар ма;

- дәрі рецептсіз беріле ме және тағы басқала да ақпараттар.

Darikz мобильді қосымшасын Google Play Market-тен жүктеуге болады.

Google play жүктеу үшін сілтеме - https://play.google.com/store/apps/details?id=kz.dari.