Қарағандыда су құбыры желілері жаңартылады

"Қарағанды Су" ЖШС жөндеу және инвестициялық бағдарламалары шеңберінде сумен жабдықтау және су беру желілері қайта жаңартылуып жатыр. Жұмыс барысын кәсіпорын басшылығы тексерді.

Қайта жаңартудың алғашқы учаскелерінің бірі – Новоселов көшесі – Бұқар жырау даңғылы, 76 (Пассажирская көшесінен Ермеков көшесіне дейін). Бұл учаскенің ұзындығы – 840 м, диаметрі 200 мм құбырлар ауыстырылады.

Құбырларды ауыстыру Прогресс көшесі 2-36-дан Речная көшесіне дейінгі су құбырынан басталды. Учаскенің ұзындығы – 805 м, құбырлардың диаметрі – 160 мм. Бұл учаскеде же жұмыстар траншеясыз технология бойынша орындалады.

Сондай-ақ, қалада Бұқар жырау даңғылы мен Абай көшесі, 1 қиылысынан бастап Назарбаевқа дейін ұзындығы 362 м кәріз желісі қайта жаңартылуда.

"Қарағанды Су" ЖШС баспасөз қызметінің ақпараты бойынша