Қарағанды облысында Халықаралық музей күні өтеді
Жыл сайын 18 мамырда Халықаралық мұражайлар күнін атап өту игі дәстүрге айналған. 2024 жылы бұл дәстүрге әлемнің 145-тен астам елі, оның ішінде Қазақстан да қосылды. Акцияға Қарағанды облысының мұражайлары да қатысады.
Қарағанды
16 мамыр
Қарағанды облыстық бейнелеу өнері мұражайы, 19:00
"Музейдегi шоу экслибристен муралға дейін" мерекелік іс-шарасы. Бағдарламада сән топтамаларының көрсетілімі, боди-арт, шығармашылық шеберлік сыныптар, концерттік бағдарлама кіреді. Сондай-ақ, келушілер мұражай қорынан Қарағандының бейнесі фотосуреттер, кескіндемеде, графикада, мүсінде суреттелген көрмені тамашалай алады.
17 мамыр
Облыстық тарихи-өлкетану мұражайы, 19:00–23:00
"Мұражай түні – 2024" мерекелік іс-шарасы. Бағдарламада "Жанданған тарих" театрландырылған экскурсиясы, "Түркі хаттары" алаңы, түркі сауаттылығы бойынша шеберлік сабақтары бар. Сондай-ақ, сәндік-қолданбалы өнер бойынша шеберлік сабақтары және қолдан жасалған жұмыстарды сату-көрмесі жоспарланған. Сонымен қатар қонақтарды тақырыптық фотоаймақтар, интерактивті марафон, зияткерлік-өлкетану викторинасы, квест-ойын, жүлделер аукционы және тағы басқа шаралар күтеді.
Долинка кенті
17 мамыр
Саяси қуғын-сүргін құрбандарын еске алу мұражайы, 18:30–19:30
"Естен кетпес естеліктер " театрландырылған қойылымы болады.
Балқаш
17 мамыр
Балқаш тарихи-өлкетану мұражайы, 17:00–20:00
"Музейдегі селфи түні" мерекелік бағдарламасы: қызықты фотоаймақтар, викториналар, "Өткеннің ерекше бұйымдары" мұражай алаңы, селфи байқауы.
Теміртау
17 мамыр
ҚР Тұңғыш Президентінің тарихи-мәдени орталығы, 11:00
"Мұражай көшесіндегі көктем" мерекелік іс-шарасы. Бағдарламада кішкентайларға арналған концерт, мультфильмдер көрсетілімі, орта және жоғары сынып оқушыларына арналған қазақ ұлттық ойындарын үйрететін шеберлік сабақтар мен жарыстар бар.
Теміртау қалалық тарихи-өлкетану мұражайы, 11:00–13:00
Мұражай мерекесі "Экспонат бенефисі. Кәсіби алаң". Мерекенің орталығы экспозиция болады, ол заттар мен арнайы киімдер арқылы жеті мамандық туралы айтады – бұл дәрігер, металлург, аңшы, әскери, құрылысшы, аспаз, тігінші. Сонымен қатар, интерактивті орындар ашылады, онда сіз ағаш ұстасы, автомеханик, аспаз, фотограф, жаттықтырушы және экскурсовод мамандығының ерекшеліктерін көре аласыз.