Дәрі-дәрмектің негізсіз жоғары бағасына DariKZ мобильді қосымшасында шағым жасауға болады

ҚР Денсаулық сақтау министрлігінің Дәрілік заттарды сараптау ұлттық орталығы өзінің Facebook-тегі парақшасында қазақстандықтарға медициналық препараттардың негізсіз қымбаттаған бағасына шағым беруге болатынын еске салды.

Дәрі-дәрмектің құнына DariKZ мобильді қосымшасында шағым жасауға болады. Онда Қазақстанда тіркелген препараттардың шекті рұқсат етілген бағасы белгіленген.

Сонымен қатар, осы қосымшада келесідей ақпарат бар:

- препараттар түпнұсқа немесе дженерик болып табыла ма;

- баламалар бар ма;

- дәрі рецептсіз беріле ме және тағы басқалар бар ма.

Darikz мобильді қосымшасын Google Play Market-тен жүктеуге болады.

Google play жүктеу үшін сілтеме https://play.google.com/store/apps/details?id=kz.dari.

DariKZ мобильді қосымшасы арқылы шағым беру үшін үш қадам жасау жеткілікті:

- қажетті бағамен дәрі табу;

- шағым беру батырмасын басу және қажетті жолдарды толтыру;

- "Жіберу" батырмасын басыңыз.

Қосымшаның басқа да функционалы туралы сілтеме арқылы білуге болады https://m.facebook.com/story.php?story_fbid=10163723648035304&id=724200303&sfnsn=mo.