"Таза су айдындары": қарағандылықтарға Федоров су қоймасының жағалау бойын тазалауға көмектесуге шақырады

Қарағанды Федоров су қоймасында 19 сәуір сағат 10:00-де "Таза су айдындары" табиғатты қорғау акциясы өтеді. Балық шаруашылығы су айдынын иесіз балық аулау құралдарынан тазарту және су айдынының жағалау сызығын тұрмыстық қоқыстардан тазарту жұмыстары жүргізілетін болады.

Ұйымдастырушысы – Нұра-Сарысу облысаралық бассейндік балық шаруашылығы инспекциясы.

"Таза су қоймалары" табиғат қорғау акциясына балық шаруашылығы инспекциясының мемлекеттік инспекторларымен бірге Қарағанды орман және жануарлар дүниесін қорғау шаруашылығының қызметкерлері, Е. А. Бөкетов атындағы Қарағанды университетінің биология-география факультетінің студенттері қатысады.

Қатысу үшін қала тұрғындары, белсенділер, еріктілер шақырылады.

Акцияның өтетін орны: Фёдоров су қоймасы, сорғы станциясының жанында (бетондалған жағалау – 2gis.kz/karaganda/geo).