Аулалар қоқысқа көмілуде. Тұрғындардан сенбілікке шығуды сұрайды

Бүгін Қарағанды облысының әкімі Ермағанбет Бөлекпаев таңертең жұмыс күнін Пришахтинск шағын ауданын жаяу аралаудан бастады. 

Алдын-ала белгілі бір бағыт жоспарланған жоқ. Облыс әкімі 21, 22 және 23-ші шағын аудандардың кейбір аулаларын аралап шықты. Сот аумақтарының санитарлық жағдайына назар аударылды.

Пришахтинскіде қоқыс шығарумен "Ресайклинг" компаниясы айналысады. Көпқабатты үйлердің тұрғындары облыс басшысына жеке үйлердің иелері қоқыс шығаратын ұйыммен келісімшарт жасаспайтынын және тұрмыстық қалдықтарды олардың контейнерлік алаңдарына әкеліп тастайтынына, соның салдарынан қоқыс жәшіктері тез толып кететініне шағымданды. Олар әкімдіктен бұл мәселені шешуге көмектесуін сұрады.

– Кейбір аулалар қоқысқа көміліп жатыр, – деді Ермағанбет Бөлекпаев. – ПИК тұрғындармен бірлесіп, өз аулаларында ұжымдасып, тазалауы керек.

Әлихан Бөкейхан ауданының әкімдігі қоқыс қаптарын ұсынуға, содан кейін мұның бәрін шығаруға дайын.

– Бізде Пришахтинск аулаларының барлығы дерлік абаттандырылған. Құзіретімізге кіретін барлық жұмысты біз жасап жатырмыз. Бірақ тұрғындар да қосылып, тазалықты қадағалап отырулары керек, – дейді қала әкімі Мейрам Кожухов.

Пришахтинскіде тәртіп орнату бойынша тапсырмалар аудан әкіміне де берілді.

Аулалардың бірінде облыс басшысы ерімеген қарды тазалап жатқан тұрғынмен сөйлесті. Аудан әкіміне оны шығаруға көмектесуге тапсырма берді.

– Қаланың тазалығына бей-жай қарамайтын тұрғындарға белсенді көмек көрсетеміз, – деп атап өтті облыс әкімі және белсенділік танытқан тұрғындарға алғысын білдірді.