Қарағандыда өткен үстел паратеннисі бойынша республикалық турнирде 100-ден астам спортшы жеңіс үшін күресуде
Қарағанды "Жастар" спорт кешенінде үстел паратеннисінен тірек-қимыл аппараты зақымданған спортшылар арасында жыл сайынғы республикалық турнир басталды.
Жеңіс үшін Қазақстанның облыстары мен қалаларынан 100-ден астам спортшы күресуде. Қарағанды облысының намысын 20-дан астам спортшы қорғайды.
Жарыс топтар бойынша өткізіледі, спортшылар денсаулық жағдайына қарай сыныптарға бөлінеді.
Төрешілер бригадасы 10 адамнан тұрады.
– Мысалы, бірінші және бесінші сыныптардың қатысушылары - арбаға таңылғандар, олар отырып ойнайды. Әйелдер мен ерлер де бөлек өнер көрсетеді. Топтық ойындардан кейін финалдық жиындар өтеді, онда жүлдегерлер анықталады. Спортшыларға денсаулық тілеймін, олар тенниспен айналыса берсін, ең мықтысы жеңсін! – дейді жарыстың бас төрешісі Әлібек Түсіпбеков.
Жарысқа Қарағанды облысы әкімінің орынбасары Ерлан Құсайын да сәттілік тіледі.
– Қарағанды жерінде еліміздің түрлі өңірлерінен шағын ракетка шеберлерін қабылдау біз үшін үлкен мәртебе. Қазақстанда Мемлекет басшысының қолдауының арқасында спортпен шұғылдану үшін, соның ішінде үстел паратеннисі үшін қолдан келгеннің бәрі жасалуда. Баршаңызға сәттілік пен жеңіс тілеймін! – деді Ерлан Құсайын.
Ойындар қызықты болады деп күтілуде, себебі додаға жаңадан келгендер де, атақты спортшылар да қатысады. Атыраудан алтыншы жазғы Паралимпиада ойындарының чемпионы Қадірбек Нұрқожа келді.
– Паратенниспен алты жылдай айналысамын, Қазақстанның спорт шебері атандым. Осы уақыт ішінде көптеген жарыстарда жүлделі орындарға ие болдым. Қарсыластар жыл сайын мықты бола түсуде. Мен де қарқынымды төмендетпеймін. Бүгін сәттілік менің жағымда болады деп сенемін, – деді Қадірбек Нұрқожа.
Павлодар облысының тумасы, Халықаралық дәрежедегі спорт шебері Мұрат Ыдырыс паратеннис жарысына жол апатынан кейін келген. Бүгінде ол Қазақстанның төрт дүркін чемпионы, Дүниежүзілік ойындардың қола жүлдегері, Параазиялық ойындардың қатысушысы.
– 2008 жылы айналыса бастадым. Мен үйде отырғым келмеді. Әрқашан спортты жақсы көретінмін. Жаттығу эмоционалды жағдайымды қалпыма келтіруге көмектеседі, күшті сезінуге, бір нәрсеге қол жеткізуге мүмкіндік береді. Паралимпиада ойындарына қатысуды армандаймын. Ол үшін көптеген сапарлар, рейтинг, қаржы қажет. Мұның бәрі қиын, бірақ мүмкін емес деп айтпаймын, – дейді Мұрат Ыдырыс.
Республикалық жарыстарға жетінші рет Жетісу облысынан келген 18 жастағы Дарья Ермак қатысуда.
– Бұл мен үшін қол жетімді спорт, мен үшінші жыл жаттығып келем. Жаттығуға қуана барамын. Жеке өзім теннис маған көзді дамытуға, дене шынықтыруға, бұлшық еттерімді сергек ұстауға көмектеседі. Мен жеңістерге ұмтылмаймын, бастысы – қатысу, – деп мойындайды Дарья.
