Қарағанды бейнелеу өнері мұражайында көркемөнерпаздардың шығармашылығы ұсынылды
Лондон мұражайында сақталған макетке сәйкестендіріліп жасалған үлкен алюминий текше көп жылдар бойы Саран қаласындағы 120-шы шахтаны (Қазіргі "Саранская") безендірді. Өкінішке орай, бұл ерекше сәндік дизайнның қазіргі күні бар-жоғы белгісіз.
Ал оның авторы Валерий Куринныйдың басқа шығармашылығын көру үшін Қарағанды облыстық бейнелеу өнері мұражайына бару керек.
Мұнда көркемөнерпаздар көрмесі ашылды, ол 7 сәуірге дейін жұмыс істейді.
"Көркемөнерпаздардың құрама көрмелері – бұл бейнелеу өнерінде жаңа және болашағы зор есімдерді көрсету тәсілі", – деп атап өтті мұражайда.
Монеталар, пирография, пейзаждар, мысықтардың портреттері – экспозицияда әртүрлі техникалар мен жанрлар ұсынылған.
Бес автор: инженер, педагог, қолданбалы өнер шебері Валерий Куринный, оның қызы Алена Куринная – шет тілдерінің оқытушысы, STELLAR әдеби клубының және Қарағанды қ. ақындар одағының негізін қалаушы,
суретші, дизайнер, әнші және гитарист Евгения Горюнова,
көркем еңбек оқытушысы, әуесқой фотограф Анастасия Морозова,
әуесқой суретші, Қарағанды жоғары оқу орнының гуманитарлық колледжінің "бейнелеу және сызу мұғалімі" мамандығы бойынша түлегі Наталья Унру.
– Бізде "Жаңа есімдер" жобасы болды, бұл көрме оның жалғасы. Менің ойымша, мұнда әр келуші әр түрлі әсер алады. Мен өзім үшін жанға әсер ететін және осы жұмыстардың барлығын біріктіретін тірек нүктелерін анықтадым. Монета, ағаш ою - бұл менің ұрпағымның ішінде ностальгиялық нәрсе. Біз бұл жерде өстік, көп үйлерде ағаштан соғылған немесе күйдірілген суреттер болды. Алена әкесінің ісін жалғастырып жатқаны өте жақсы, – дейді мұражай басшысы Бибігүл Құдабаева. – Жалпы, адамдардың жүрегінде шығармашылық ұялайтыны өте жақсы, әуесқойлар өз өнерін көрсетуден қорықпайды.
Алена Куринная әкесі туралы айтып берді. Биыл оның қайтыс болғанына 20 жыл толады. Бұл экспозиция оны еске алу шарасы іспеттес.
Валерий Куринный Қарағанды политехникалық институтын физика, еңбек және сопромат бойынша инженер және педагог мамандығы бойынша бітірген. 1987 жылы Саран қаласындағы РТИ зауытында мектеп цехтарын ашқан. Орта мектеп оқушылары металл және ағаш, тігін ісі бойынша оқыды, компьютерлік сынып болды. Олар тек мамандық алып қана қоймай, жалақы да алып отырды.
Сонымен қатар техникумда сопроматтан сабақ берді.
Ағаш ою және күйдіру, металл соғу, гранит пен мәрмәр композицияларын жасау шеберлігімен айналысты.
– Әкем үйде көп жұмыс істеді. Әпкем екеуміз көз алдымызда ағаш қалай өзгергеріп, бұйымға айналғанын тамашалайтынбыз. Сондықтан мен мұның бәрін ерте жастан сіңірдім. Ағаш кесетін құралдарды әкем өзі машинада жасайтын, оның көптеген құралдары сақталған. Мен оларды қазір де қолданамын, қазіргі заманғылар да бар.
Мен пирография мен модельдеумен айналысамын,
бірақ ағаш оюды қолға алғым келеді – бұл күрделі әдіс, – деп бөлісті Алена Куринная.
Көрменің ең жас қатысушысы Наталья Унру пейзаждар сериясын ұсынды. Оның айтуынша, қалада сүйікті орындардың бірі - Орталық саябақ, әсіресе өркениет әсер етпейтін оның шалғай бұрыштары. Мен өз суреттерімді фотосуреттерге және пленэрдегі жұмыстарға сүйене отырып салдым.
Көрмеге келушілер таныс жерлерді автордың көзімен көре алады.