Абай ауданының ерлі-зайыптыларын Жас отбасы мектебіне шақырады

Абай ауданында отбасылық құндылықтарды нығайтуға және ажырасудың алдын алуға бағытталған "Жас отбасы мектебі" әлеуметтік жобасы іске асырылуда.

Жобаның тұжырымдамасын кәсіби психотерапиялық лиганың мүшесі, клиникалық психолог және "Позитивті даму" жеке мекемесінің басшысы Оксана Панасиди Абай ауданы әкімдігінің қолдауымен әзірледі. Жас отбасы мектебі ерлі-зайыптыларға проблемаларды бірлесіп шешуге, жанжалды жағдайлардан аулақ болуға және отбасылық байланыстарды нығайтуға көмектеседі.

– Қазіргі статистика көрсеткендей, 100 отбасының жартысынан көбі ажырасқан. Мұның бәрі бізге күшті қарым-қатынас формуласын, күйеу мен әйел болуды, балаларды сүйіспеншілікте тәрбиелеуді ешкім үйретпейтіндіктен. Біздің көпшілігіміз мықты отбасы туралы армандағанымызбен, ешкім бастапқыда ажырасамын деп үйленбейді. Сондықтан ерлі-зайыптыларға біздің мектепке келуді ұсынамыз. Біз оларды жұбайларымен сенімді қарым-қатынас орнатуға, стресске төзімді, дені сау балаларды тәрбиелеуге үйретеміз, – дейді жоба жетекшісі Оксана Панасиди. – Мектеп аясында наурыздан мамырға дейін тегін семинарлар мен тренингтер өткіземіз.

Бірінші семинар-тренинг 28 наурызда Абай қаласының Мәдениет үйінде сағат 14:30-дан 17:00-ге дейін өтеді. Семинарға 8-701-364-21-54 нөмірі бойынша жазылуға немесе қосымша ақпарат алуға болады.