Қарағандылық отбасын қолдау орталығы ерекше балалар мен олардың аналарына мереке сыйлады

Қайырымдылық күні, 15 наурызда Қарағанды қаласының отбасын қолдау орталығы ерекше балаларға арналған мереке ұйымдастырды. Оларға ойыншықтар беріліп, ойындар ойнатылды. Сондай-ақ демеушінің атынан тәтті дастархан ұйымдастырылды.

Аналар да назардан тыс қалмады – балаларға күтім жасау үшін оларға жуғыш заттар мен жөргектер берілді, 

Ең бастысы – Te Amo Dance би студиясынан бачата бойынша тегін шеберлік сабағы оларға жақсы көңіл-күй сыйлады.

Қайырымдылық акциясына 30-ға жуық отбасы қатысты.

– Біздің Орталық көпбалалы аналарға, ерекше балалары бар аналарға, жалғызбасты аналарға, қиын өмірлік жағдайға тап болған отбасыларға көмектеседі. Наурыз қарсаңында балалар мен олардың аналарына жақсы көңіл-күй сыйлап, оларды сыйлықтармен қуантқымыз келді. Сонымен қатар, аналар үшін тегін бачата шеберлік сыныбы ұйымдастырылды. Осындай шеберлік сабақтарын айына екі рет өткізуді жоспарлап отырмыз, – деді Отбасын қолдау орталығының әлеуметтік көмек бөлімінің қызметкері Зәмзәгүл Мамалинова.