Жоғалған немесе ұрланған көліктің мемлекеттік нөмірін үйден шықпай-ақ қалпына келтіруге болады

Қазақстандықтар "Электрондық үкімет" порталында "көлік құралдарына арналған мемлекеттік тіркеу нөмірлік белгісінің телнұсқасын беру" қызметін пайдалана отырып, жоғалған немесе ұрланған автомобильдік тіркеу нөмірін қалпына келтіре алады.

- Біз процесті пайдаланушы мемлекеттік нөмірлік белгіні жоғалтқан немесе ұрланғанда ғана "электрондық үкімет" порталы арқылы өтінім жіберу арқылы ғана мамандандырылған ХҚКО-дан дубликат алуға мүмкіндік беретіндей барынша жеңілдетуге тырыстық, - деп "Ұлттық ақпараттық технологиялар" АҚ Басқарма төрағасы Әсет Тұрысов атап өтті.

Қызметті онлайн алу үшін eGov.kz порталында авторлану қажет "Көлік және коммуникация" - "Автомобиль көлігі" қойындысы бойынша өту, қызметтер тізімінен "көлік құралдары үшін мемлекеттік тіркеу нөмірлік белгісінің телнұсқасын беру" қызметін таңдап, "Қызметке онлайн тапсырыс беру" батырмасы бойынша өту керек. Ашылған бетте барлық міндетті жолақтарды толтыру, қызметті төлеу, ЭЦҚ немесе бір реттік парольмен қол қою қажет. Мемлекеттік органнан сұранымды сәтті өңдеген кезде жеке кабинетке өтінімнің орындалуы туралы хабарлама және шығыс құжаты келеді. Қызмет жеке және заңды тұлғаларға қол жетімді. Бірнеше көлік құралдары болған жағдайда қызметті бір рет пайдалануға болады. Басқа автомобильге нөмірлік белгілердің телнұсқасын алу үшін жаңа сұрау жіберу қажет.

«Ұлттық ақпараттық технологиялар» АҚ ақпараты бойынша