Күзембаев шахтасында жаңа лава іске қосылды

Қарағанды облысында «АрселорМиттал Теміртау» АҚ Көмір департаментінің Т.Күзембаев атындағы шахтада жаңа лава іске қосылды. Аталмыш жетістікке қол жеткізу үшін кен орнында ауқымды жұмыс атқарылды. Жыл бойы үш ұңғымалық бригада болашақ лаваға арналған тазарту учаскесін дайындады. Жабдықты орнатуға үш ай уақыт жұмсалды.

- Өте жақсы өндіру учаскесі болады. Кен байыту фабрикалары мен металлургия комбинатының күтіп отырған К10 кокстелетін көмірінің қоры шамамен 800 мың тоннаны құрайды. Ондағы ұжым ұйымшыл, бұрыннан бері жұмыс істеп келеді. Жабдық жақсы: біз бұл техникамен бірінші жыл жұмыс істеп отырған жоқпыз, сондықтан оның сенімді екенін айта аламыз, - , - деді Т.Күзембаев атындағы шахтаның директоры Сергей Потемкин.

Жаңа лавада механизацияланған Глиник 22-45 кешені, SL300 тазалау комбайны, кенжар конвейері және қырғыш қайта тиегіш және басқа да жабдықтар орнатылған.

Ұңғымашылар бригадирі Геннадий Валявскийдің айтуынша, жұмыс қарқыны жақсы болды – ай сайын 90-100 метрден қазып отырды.

5 маусымда 44к10-в лавасын Мемлекеттік комиссия қабылдады. Енді жаңа учаскеде кен өндіру жұмыстары басталды.

Metallurgy today газетінің материалдары бойынша