Қарағанды мен Теміртау тұрғындарына флюорографиядан өтуді ұсынады

Қарағанды мен Теміртау тұрғындары Дүниежүзілік туберкулезге қарсы күрес күніне арналған айлықта флюорографиядан өте алады: жылжымалы флюороаппараттар кесте бойынша адамдар көп жиналатын қоғамдық орындарды аралайтын болады.

Жыл сайынғы көшпелі флюоро тексеру акциясын дәстүрлі түрде Облыстық фтизиопульмонология орталығы ұйымдастырды. Оның мамандары барлық тілек білдірушілерді тегін тексеріп, нәтижелерін береді және қажет болған жағдайда санитарлық кітапшаға тиісті белгі қояды.

Жылжымалы флюоро қондырғыларының жұмыс кестесі 10:00-ден 15:00-ге дейін:

Қарағанды

- "Шығыс" базары – 5–6 наурыз аралығында;

- "Алтын Арба" базары – 7 наурыз;

- "Арай" базары – 12 наурыз;

- "Глобал Сити" СҮ – 13 наурыз;

- "Умай" СО – 14 наурыз;

- "Горняк" шағын базары – 15 наурыз;

- "Жұлдыз" базары – 19 наурыз.

Теміртау

- "Аян-Пассаж" СҮ – 20 наурыз.

– Бұл шара туберкулез белгілері бар адамдарды ерте анықтау және қоғамдық орындарда және көлікте басқа адамдарға жұқтыру қаупін азайту үшін өткізетін жыл сайынғы акция, – дейді облыстық фтизиопульмонология орталығының басшысы Қалдыбек Исмаилов. – Флюорографиядан өту үшін жеке куәлік болуы керек. Туберкулезден басқа, флюороскопия өкпедегі басқа өзгерістерді де анықтауға мүмкіндік береді. Мысалы: пневмокониоз, ісіктер, медиастинальды органдардың, қабырғалардың, диафрагманың және жүректің зақымдануы.