Қарағанды балалар кітапханасы оқырмандарды түрлі елдердің мәдениетімен таныстырады

Абай атындағы Қарағанды балалар кітапханасында "Мәдениеттер тоғысы" атты жаңа жоба іске қосылды. Бұл дәстүрлердің, әртүрлі елдер мен халықтардың тілдерінің, музыкалық бағыттардың, әдеби кейіпкерлердің, ерекше мерекелер мен достық қатынастардың қоспасы.

"Жоба жас оқырмандардың, сондай-ақ олардың ата-аналары мен оқытушыларының барлық санаттарына арналған. Оның мақсаты – елдер мен халықтар туралы білімді кеңейту, оқырмандарды шетелдік балалар әдебиетінің үздік үлгілерін дәріптеу арқылы әлемдік мәдениет пен өнерге баулу, балалардың танымдық қызығушылығын, зияткерлік және шығармашылық қабілеттерін дамыту", – деді кітапханада.

Биыл жобаға Италия, Жапония, Қытай, АҚШ, Үндістан кіреді. Кітапхана оқырмандар мен қонақтарға ақпараттық-танымдық және ойын-сауық кешенін ұсынады. Аптаның әр күні белгілі бір тақырыпқа арналады: кино өнері, музыкалық мәдениет, әдебиет, спорт, шеберханалар, тағамдар, ойындар, ұлттық мерекелер және т. б.    

Ақпан айында кітапхана Италия мен Жапонияның мәдениеті мен дәстүрлерімен таныстырады.

Италияның мәдениет апталығы 19–22 ақпан аралығында өтеді. Жапонияның мәдениет апталығы – 26 ақпаннан 1 наурызға дейін.

19 ақпанда сағат 14:30-да кітапханада Италияның мәдениет апталығы ашылады. Оқырмандар мен қонақтар Қарағанды бейнелеу өнері мұражайының, сән салонының қорынан алынған суреттер мен экслибристердің көрмесін тамашалай алады, итальяндық авторлардың кітаптарымен таныса алады.

19 ақпанда сағат 15:00-де Италияның сәулеті туралы дәріс өтеді.

20 ақпан сағат 14:30-да итальяндық киномен танысу.

21 ақпан сағат 11.00 және 14.00-де – "Итальяндық тағамдардың құпиялары" шеберханалары, лимонад дәмін тату.

22 ақпан сағат 14:30-да – "Мафия" командалық үстел ойыны.

Іс-шараға кітапхана оқырмандары, олардың ата-аналары мен қала қонақтары қатыса алады.

Кіру тегін.

Абай атындағы Қарағанды облыстық балалар кітапханасы Бұқар жырау даңғылы, 30 мекенжайында орналасқан.