Дауылды ескерту

Қазгидрометтің мәліметі бойынша, 7-9 ақпан аралығында облыстың басым бөлігінде бұрқасын, көктайғақ, желдің жылдамдығы 20 м/с, кейбір жерлерде екпіні 28 м/с күтілуде.

Осыған байланысты шатырлардың ұшуы, электр қуатының өшуі орын алып, жолдар жабылуы мүмкін.

Облыс тұрғындарына ТЖД өкілдері келесі ережелерді қатаң ұстануды ұсынады:

- Елді мекендерден тыс жерлерге көлікпен және жаяу шығуды шектеңіздер!

- Жабылу орындарында көлікпен жиналмаңыздар!

- Жол бойындағы объектілерде және елді мекендерде ауа-райының қалыптасуын күтіңіздер!

- Балалардың қауіпсіздігін қамтамасыз етіңіздер!

- Көшеде болған кезде ғимараттар мен құрылыстардан, биік бағаналардан, ағаштардан, билбордтардан және электр сымдарынан алыс жүріңіздер!

- Төтенше жағдайлар департаментінің ресми парақшаларынан, теледидар, радио және әлеуметтік желілерден ауа-райы туралы ақпаратты қадағалаңыздар!

Барлық оқиғалар бойынша 112, (8-7212) 43-36-36, 43-37-37 телефондары арқылы хабарласыңыздар.

Қарағанды облысының Төтенше жағдайлар бойынша департаменті