Қарағандыда ОКА инфекциялық орталығының үшінші блогы жөнделді

Қарағанды облыстық клиникалық ауруханасының инфекциялық орталығының үшінші блогына күрделі жөндеу жұмыстары аяқталды. Жаңартылған корпус пациенттерді қабылдап жатыр.

Мұнда тәулік бойғы стационардың екі бөлімшесі орналасқан.

Біріншісі – ересек жұқпалы-диагностикалық. Екіншісінде ішек аурулары бар бір жастан асқан балалар емделеді. Сонымен қатар жаңа жабдықтары бар үлкен анықтамалық-бактериологиялық зертхана орналасқан.

– Зертханада зияткерлік үлесті талап ететін ең заманауи зерттеулер, оның ішінде бактериологиялық және ПТР-диагностика біздің өңірдің барлық өзекті инфекцияларына және кез келген инфекцияларға, соның ішінде шеттен келетін инфекцияларға жүргізілетін болады, – дейді жұқпалы аурулар орталығының басшысы Ержан Жүнісов. – Осы корпуста барлық өзекті жұқпалы аурулар бойынша Қарағанды облысынан амбулаториялық пациенттерді қабылдау жүргізілетін клиникалық-диагностикалық бөлімше орналасады. Бұл вирустық гепатит және жатырішілік инфекциялар.

1948 жылғы ғимаратта күрделі жөндеу жұмыстары жасалып, кәріз және су желілерін, жылыту және ауа желдету жүйелері толығымен ауыстырылды. Әрбір құрылымдық бөлімше инфекциялардың таралуына жол бермеу үшін жеке сорғыш құрылғысымен жабдықталған. Орталықтандырылған оттегі жеткізілетін палаталар бар.

Ішкі әрлеу заманауи материалдармен жасалған. 

2023 жылы инфекциялық орталықтың екінші блогында күрделі жөндеу жүргізілді.

Қарағанды облысы Денсаулық сақтау басқармасының ақпараты бойынша