Қарағандыда дирижер әрі композитор Әли Алпысбаевтың шығармашылық кеші өтеді

Қарағандылықтар ҚР еңбек сіңірген қайраткері, «Құрмет» және «Парасат» ордендерінің иегері, дирижер әрі сазгер Әли Алпысбаевтың шығармашылық кешіне шақырылады. 10 ақпан күні сағат 17:00-де «Шалқыма» концерт залында Еркеғали Рахмадиев атындағы Қарағанды академиялық симфониялық оркестрінің қатысуымен «Қазақ елі» концерті өтеді.

Сонымен қатар концертке солистер – ҚР еңбек сіңірген қайраткерлері Бекболат Байсағатов пен Серік Еркімбеков, халықаралық байқаулардың лауреаттары Салтанат Мұратқызы, Сағыныш Кенжеғалиқызы, Жомарт Тәкебаев және «Күреңбел» триосы қатысады.

Дирижер – ҚР еңбек сіңірген қайраткері Әли Алпысбаев (Талдықорған қ.).

Әли Алпысбаев – ҚР Композиторлар одағының мүшесі, профессор, Мұқан Төлебаев атындағы «Алтын таяқша» және «Кестелі орамал» вокалистер халықаралық байқауының ұйымдастырушысы.

Анықтама үшін телефондар: 41-13-14, 41-22-30.