Қорытындылар мен жоспарлар: Қарағанды облысының кәсіпкерлік басқармасы
2023 жылы Қарағанды облысында 5,5 мың бизнес-жоба қаржыландырылды. Осы мақсатқа бюджеттен 23 млрд теңге бөлінді. Кәсіпкерлердің 65 %-ы пайыздық мөлшерлемені субсидиялау бағдарламасын пайдаланды.
Өткен жылдың қорытындылары мен 2024 жылға арналған жоспарлар туралы Қарағанды облысының әкіміне кәсіпкерлік басқармасы басшысының м.а. Абзал Рахымбаев баяндады.
Бөлшек салықты азайту
Қарағанды облысы алғашқылардың бірі болып бөлшек салық мөлшерлемесін екі есеге – 4-тен 2%-ға дейін төмендетті. Инновация 190 қызмет түріне әсер етті.
Алты айда салық төлеушілер саны 6 есе өсті, ал арнайы салық режимі бойынша салық түсімдері 18 есе өсті.
"Кәсіпкер" жеңілдетілген несие беру бағдарламасы
2023 жылы облыста "Кәсіпкер" өңірлік қаржылық қолдау бағдарламасы басталды. 41 жоба 1,3 млрд теңге сомасына қаржыландырылды, 52 жаңа жұмыс орны құрылды. Биылғы жоспар 45 жобаны қамтиды.
Ішкі сауда
Қарағанды облысы республикада ішкі сауда бойынша көш бастап тұрғандар қатарында, бөлшек сауда бойынша – 3-ші, көтерме сауда бойынша – 4-ші орында.
2023 жылдың 9 айының қорытындысы бойынша жалпы өңірлік өнім құрылымында ішкі сауда шамамен 14% құрайды.
Өткен жылы сауданың өсуі 7,8% немесе 3,8 трлн теңгені құрады.
107 жаңа сауда нысаны пайдалануға берілді. 24 млрд теңгеден астам инвестиция тартылды. Ұлттық жоба аясында 135 бизнес-жобаға қаржылық қолдау көрсетілді. Биыл 100-ден астам жоба іске асырылатын болады.
Туристік саланы дамыту
2023 жылы Балқаш пен Қарқаралы ауданында 8 туристік жоба жүзеге асырылды.
Қарағанды облысының туризмін дамытудың 2027 жылға дейінгі жол картасы және Қарқаралы ауданының туризмін дамытудың 2023–2025 жылдарға арналған іс-шаралар жоспары әзірленді.
Қарқаралы табиғи паркінің аумағында жалпы ауданы 12,5 га болатын 20 бос жер учаскесі анықталды.
Қарағанды – Қарқаралы тас жолында жол бойындағы сервис салу жоспарлануда.
Балқаш курорттық аймағының аумағында 120 га бос жер учаскелері бар.
Қарағандыда Көгілдір тоғандарда қала тұрғындарының демалысын ұйымдастыру үшін аукцион арқылы жер учаскелерін беру жоспарлануда.