Қорытындылар мен жоспарлар: Қарағанды облысының ақпараттандыру, мемлекеттік қызметтер көрсету және мұрағаттар басқармасы
Қарағанды облысында өмірдің түрлі салаларына заманауи цифрлық технологияларды енгізу жалғасуда. Коммуналдық қызметтерді алу жеңілдетілді, жолдардағы қауіпсіздікті қамтамасыз ету және шалғай ауылдардағы байланысты жақсарту бойынша жұмыстар жүргізілуде.
Өткен жылы өңірді цифрландыру саласында қандай жетістіктерге қол жеткізілгені және 2024-ші жылға жоспарлар туралы Қарағанды облысының әкіміне ақпараттандыру, мемлекеттік қызметтер көрсету және мұрағаттар басқармасының басшысы Константин Ильницкий айтып берді.
"Қауіпсіз қала"
Қарағанды облысында 3056 бейнебақылау камерасы және ЖҚЕ бұзушылықтарды тіркеудің 110 кешені орнатылған. Олар 128 мың жол ережесін бұзу фактілерін анықтауға мүмкіндік берді. 2022 жылмен салыстырғанда бұл көрсеткіш 20%-ға төмен. Қарағандыда 267 қылмыстық және 13 811 әкімшілік құқық бұзушылық тіркелді. 1,4 млрд теңгеге айыппұл салынды.
Мемлекеттік кірістер департаменті өз жұмысында арнайы камераларды пайдаланады. Борышкерлерді іздеу және қарызды өндіріп алу жұмыстары жүргізілуде. Өткен жылы олардың көмегімен шамамен 54 млн теңге өндірілді.
Интернет
Облыста ауыл тұрғындарының интернетпен қамтылуы 91,1%-ға жетті.
2023 жылы Бұқар жырау ауданы Төрткөл ауылы мобильді интернетке қосылды. Абай, Ақтоғай және Қарқаралы аудандарының бес ауылдық елді мекенінде жабдықтар жаңғыртылды. Нұра ауданының бес АЕМ-не үй интернеті қосылған.
Облыс орталығында бесінші буын ұялы байланысын енгізу басталды. 11 5G базалық станциясы орнатылды.
Геоақпараттық портал
2023 жылы "Бірыңғай мемлекеттік жылжымайтын мүлік кадастрымен" және "Электрондық үкімет" порталымен интеграция аяқталды.
Қазан айында қала шегінде (облыстың 8 қаласы) жер учаскелерін беру бойынша онлайн қызметтер іске қосылды. Барлығы 1760 өтініш түсті. 440 жер учаскесі ресімделді.
IQala
IQala жобасы тұрғын үй-коммуналдық сектор ұйымдарының қызметтерін алуды жеңілдетеді.
Қазірдің өзінде жеті ірі монополистің 59 қалалық қызметі цифрландырылды. 2023 жылы 5 мыңнан астам электрондық қызмет көрсетілді.
"Террикон алқабы" IT-хабы
2023 жылы хабта 150-ден астам іс-шара өткізілді. 140-тан астам стартап-жоба оқытылды. Жаңа келісімшарттардағы жобалардың табыс сомасы шамамен 450 млн теңгені құрады. Жоғары оқу орындарымен, колледждермен және корпорациялармен ынтымақтастық туралы 21 меморандумға қол қойылды.
Хаб пен "Қазақтелеком" АҚ қолдауымен екінші өңірлік киберспорт турнирі өтті.
2024 жылғы жоспарлар
"Қауіпсіз қала" жобасы бойынша 40 аппараттық-бағдарламалық кешен, оның екеуі жылжымалы және 218 стационарлық камера орнатылады.
Сондай-ақ жедел жәрдем көліктерінде 30 жаңа "Ақылды жаяу жүргіншілер өткелі" кешені мен 80 "Бүркіт" АӨК пайда болады. Полиция тарапынан бақылау үшін агломерация периметрі бойынша 40 "Рубеж" кешені орнатылады.
Биылғы жылы 86 қалалық мектептен Қарағанды жедел басқару орталығына 2 мыңнан астам камераның бейне сигналын шығару жобасы іске асырылатын болады. Мектептерде 86 дабыл түймесі орнатылады.
IQala коммуналдық қызметтер порталына Теміртау мен Балқаш қосылады.
"Қолжетімді интернет" ұлттық жобасын іске асыру басталады. Жыл соңына дейін облыстың 42 ауылдық елді мекенінде талшықты-оптикалық байланыс желілері салынатын болады. 2027 жылға дейін өңірдің 164 АЕМ кең жолақты интернетке қолжетімділікті қамтамасыз етеді.
Төртінші буын мобильді интернеті жеке қаражат есебінен Ақтоғай ауданының Ақши ауылында және Қарқаралы ауданының үш ауылында пайда болады. Қарқаралы ауданының тағы төрт ауылы жергілікті бюджеттен қамтамасыз етіледі.
Қарағандыда 2024 жылдың соңына дейін 45 5G базалық станция орнатылады.
Бірінші жартыжылдықта облыстың 106 мектебі SpaceX компаниясының Starlink технологиясы бойынша кең жолақты интернетке қосылады. 9 мыңға жуық бала қамтылады.
"Террикон алқабы" жобасы аясында капиталы 500 млн теңгені құрайтын Тerricon Venture венчурлық қорын құру жоспарлануда. 4 хакатон, 18 оқыту іс-шарасы, 6 акселерациялық және инкубациялық бағдарлама ұйымдастырылады.