Қазақстанда мың эко-еріктілер оқытылады
Бүгін, 5 маусым, Қазақстанда экологтар күні, ал бүкіл әлемде қоршаған ортаны қорғау күні атап өтілуде. «Бірыңғай «Жас Ұлан» балалар мен жасөспірімдер ұйымы» Республикалық қоғамдық бірлестігінің төрайымы Динара Сәдуақасова қазақстандықтардың қоршаған ортаға көзқарасы туралы пікірімен бөлісті.
«Экологиялық ахуал өзекті, әсіресе соңғы жылдары. Атап айтқанда, карантин кезінде адамдар үйде отырғандықтан, қалдықтар көп болды. Зауыттардағы жұмысшылар оларды өңдеп үлгермеді. Мәселе өткір болғанмен қоқысты барлық адамдар сұрыптай бермейді. Соңғы уақытта экологиялық тұрғыдан ойлайтын адамдар санының өсіп келе жатқанын байқауға болады. Экология сән үрдісінің өзіндік түріне айналуда. Енді эко-сөмкелерді ұстау және қайта пайдалануға болатын экологиялық бөтелкелерді пайдалану сәнге айналуда. Біртіндеп адамдар экологиялық тұрғыдан саналы болып, өздеріне экологиялық әдеттер қалыптастырады, бұл қуантады, - деді Динара Сәдуақасова ҚазАқпарат тілшісіне телефон арқылы берген сұхбатында. - Мен балалар мен жасөспірімдердің тәрбиесімен тікелей айналысамын, сондықтан экологиялық мәселелерді ойлайтын адамдар көбеюде деп айта аламын, бірақ мәселе әлі де баршылық. Осыған байланысты күш-жігерді біріктіру қажет, елде эко-белсенділер мен эко-блогерлер көбеюде, бірақ олардың көпшілігі жеке жұмыс істейді. Сондықтан синергетикалық әсер жоқ».
Еріктілер жылы аясында «Жас Ұлан» ББЖҰ бүкіл ел бойынша мыңдаған эко-еріктілерді даярлау жобасын жүзеге асыруда.
«Мемлекет басшысы айқындаған еріктіліктің жеті бағытының бірі - қоршаған ортаны қорғау бойынша #BirgemizTazaAlem науқаны. Біз шағын гранттар конкурсын аяқтадық, 300-ден астам өтінім келіп түсті, олардың ішінен экология саласындағы еріктілердің бастамаларын қолдауға 300 мың теңге алатын 68 жобаны іріктеп аламыз. Олардың ішінде жануарларды қорғау, көгалдандыру, өзендер мен ормандарды тазарту, экологиялық білім беру, тұрмыстық қалдықтарды бөлек жинау және басқада бағыттар бар. Қазір біз бүкіл ел бойынша еріктілердің бір тобын жарияладық, сіз өзіңіздің Инстаграм профиліндегі немесе Birgemiz_taza_alem парақшасында Google-ді толтыру арқылы тіркеле аласыз», - дейді Динара Сәдуақасова.
Оның айтуынша, мыңдаған еріктілер жоғарыда аталған аудандарда арнайы дайындықтан өтіп, 5 ай бойы алған білімдерін тәжірибеде қолданып, түрлі экологиялық жобаларға қатысады.
«Бұл ісіміз Қазақстандағы экологиялық еріктіліктің дамуына серпін береді деп сенеміз », - деп қорытындылады «Бірыңғай «Жас Ұлан» балалар мен жасөспірімдер ұйымы» Республикалық қоғамдық бірлестігінің төрайымы.
https://www.inform.kz/ru/tysyachu-ekovolonterov-podgotovyat-v-kazahstane-glava-zhas-ulan_a3657580