Қарағанды облысында тағы 57 адам коронавирустан емделіп шықты

Қарағанды облысында 4 маусымда ауруханадан коронавирусқа шалдыққан 57 науқас шығарылды.

Оның ішінде 18 қарағандылық, Теміртау қаласының 36 тұрғыны, бір Шахтинск тұрғыны және екі сауыққан Абай қаласынан.

Дәрігерлер бұрын оларға орташа ауырлықтағы КВИ диагнозын қойған.

Толық емдеу курсынан өткен соң және ПТР-талдау екі мәрте теріс нәтиже көрсеткеннен кейін пациенттер үй карантинін сақтау шартымен жазылып шықты.

4 маусымда Қарағанды облысында сауыққандардың жалпы саны - 371 адам.