Қарағанды № 2 Оқушылар сарайында жаңа тегін үйірмелер ашылады

Қарағандының № 2 Оқушылар сарайында балаларды жаңа тегін үйірмелерге қабылдау жүріп жатыр. Тілек білдірушілер "Жайдарман" клубына барып, ағаш оюды меңгеріп, брейк-данс пен степ билеуді үйрене алады.

"Жайдарман" көңілділер және тапқырлар клубы 10 жастан 18 жасқа дейінгі жасөспірімдерді қабылдайды. Клубтың мақсаты – қазақ тілін, өскелең ұрпақтың тапқырлығын дамыту, шығармашылық қабілеттерін арттыру, сахна мәдениетін тәрбиелеу.

Ағашқа ағаш өндеу үйірмесінде балалар хохлома, гжель, африкалық мотивтер, өзбек кескіндемесі және қазақтың ұлттық ою-өрнектерін ағашқа дәйекті түрде бояу сияқты кескіндеме техникасының негіздерін меңгереді.

– Шығармашылықпен айналысу стресс пен мазасыздық сезімін азайтады, сенсорлық-моторлық үйлестіруді дамытады, балалардың ойлауына, есте сақтау қабілетіне, көру қабілетіне және көркем сөйлеуіне оң әсер етеді. Сондай-ақ, біздің сарайда "Алтын оймақ" үйірмесіне іріктеу жүріп жатыр, – дейді № 2 Оқушылар сарайының директоры Шариза Алтынбекова. – Балалар тігу, кесу дағдыларын игеріп, өмірде қажетті басқа да білім алады. 

Шешендік өнер, балалардың дұрыс артикуляциясы "Мельпомена" үйірмесінде үйретіледі. Сондай-ақ, қатысушылар режиссураның негіздерін меңгеріп, дикцияны шыңдайды және сахнада өзін дұрыс ұстауды үйренеді.

Сонымен қатар, жақын арада"Куба" брейк-данс үйірмелері мен Дамир Төребековтың степ-мектебін ашу жоспарлануда. Сабақтарды тәжірибелі мұғалімдер жүргізеді.

№ 2 Оқушылар сарайында жеті бағыт бойынша барлығы 80 үйірме жұмыс істейді. Оларда 5 жастан 18 жасқа дейінгі 2559 бала айналысады. Жаңа үйірмелерге тағы 60 бала тарту жоспарлануда. Жыл соңына дейін 2700-ге жуық бала тегін қосымша біліммен қамтылуы тиіс. Ниет білдірушілер e-daryn.kz электронды платформа арқылы жазыла алады.