Бастауыш сынып мұғалімдеріне арналған қысқы мектеп басталды

Мектеп оқушыларының демалысы кезінде мұғалімдер сабақ оқиды. Қарағанды облысында 3–5 қаңтар аралығында бастауыш сынып мұғалімдеріне арналған қысқы мектеп өтуде. Курстарды білім беруді дамытудың оқу-әдістемелік орталығы ұйымдастырды.

Мұғалімдер кәсіби құзыреттіліктерін арттыра алады. Курстар бағдарламасы бастауыш сынып оқушыларының логикалық, шығармашылық, сыни ойлауын дамытуға бағытталған.

Сонымен қатар, 5 қаңтарда бастауыш сынып мұғалімдері "Алтын тұғыр" республикалық олимпиадасының облыстық кезеңінде бақ сынайтын болады. Зияткерлік сайыс жыл сайын мұғалімдердің кәсібилігін арттыру, жеке дамуы және шығармашылық әлеуетін дамыту мақсатында өткізіледі.