Бұқар жырау ауданының дене шынықтыру және спорт бөлімі "Үздік" ұлттық сыйлығының жеңімпазы атанды

Астананың президенттік орталығында Туризм және спорт министрлігінің ұйымдастыруымен 2023 жылдың қорытындысы бойынша "Үздік" салтанатты рәсімі өтті. Марапаттау 18 номинация бойынша болды. Қарағанды облысы Бұқар жырау ауданының дене шынықтыру және спорт бөлімі "Аудандық үздік дене шынықтыру және спорт бөлімі" аталымында жеңімпаз атанды.

Өткен жылы Қарағанды облысы "Үздік спорт аймағы" атағына ие болды. 2023 жылы бұл атаққа Алматы қаласы ие болды. Бірақ біздің аймақ та жоғарыда. Бұқар жырау ауданының дене шынықтыру және спорт бөлімі лайықты марапатталды. Мұнда халықтың 42%-дан астамы спортпен қамтылған. Биылғы жылы ауданда спортпен шұғылдануға арналған 11 жаңа құрылым пайда болды. Олардың қатарында шағын футбол және баскетбол алаңдары, көпфункционалды хоккей корты бар. Ботақара ауылында ДСК салынды.

– Бүгін ауданда 23 спорт нұсқаушысы бар. Олардың жұмысының арқасында біздің спортшылар түрлі жарыстардың жеңімпаздары атанды. Ұлттық спорт түрлері белсенді дамып келеді. Мысалы, жақында садақ ату бөлімі пайда болды. Тоғызқұмұлақтан биыл спорт шеберіне төрт үміткер дайындалды. Біз балалар мен жастарды тартуға тырысамыз, бірақ ардагерлер туралы да ұмытпаймыз, – дейді Бұқар жырау ауданының дене шынықтыру және спорт бөлімінің басшысы Олег Цыганков.

Тағы бір марапат Қарағанды облысына бұйырды. Аяқталған VI жазғы спартакиада қорытындысы бойынша өңір 122 медаль жеңіп алып, жалпы командалық үшінші орынға ие болды. Оның ішінде 45 алтын, 32 күміс және 45 қола.

Қарағанды облысының дене шынықтыру және спорт басқармасының ақпараты бойынша