Қарағанды облысының мемлекеттік сатып алу басқармасында жаңа басшы

Қарағанды облысының Мемлекеттік сатып алулар басқармасында жаңа басшы тағайындалды. Бұл міндетті осыған дейін Қарағанды облысы әкімінің аппарат жетекшісінің орынбасары лауазымында болған Нұрлан Әлімжанов атқаратын болады. 

Нұрлан Талғатұлы Әлімжанов - Қарағанды облысының тумасы. Е. А. Бөкетов атындағы ҚарМУ және Қазақстан-Ресей университетін «қаржы», «юриспруденция» мамандықтары бойынша бітірген. Экономика ғылымдарының магистрі.

«Қарағанды қаласы Октябрь ауданы әкімінің аппараты» ММ-де Халықпен жұмыс бойынша штаттан тыс нұсқаушы, экономика және кәсіпкерлікті дамыту бөлімінің бас маманы, экономика және кәсіпкерлікті дамыту бөлімінің басшысы болып жұмыс істеді.

Балқаш қаласы әкімінің көмекшісі болды.

Бүгін, 1 маусымда облыс әкімдігінде өткен аппараттық жиналыста өңір басшысы Жеңіс Қасымбек «Қарағанды облысының мемлекеттік сатып алу басқармасы» ММ жаңа басшысы Нұрлан Әлімжановты таныстырды.