Қарағандылық оқушылар информатикадан Еуразиялық олимпиаданың жүлдегерлері атанды
Қарағандылық оқушылар Алматыда өткен информатика бойынша Еуразиялық олимпиадада екінші және үшінші орын алды. Оған Қазақстан, Қырғызстан, Өзбекстан және Тәжікстанның 75 командасынан 200-ден астам оқушы қатысты.
Олимпиада сынақ және негізгі турлардан тұрды.
№ 1 "Білім-инновация" мектеп-лицейінің он бірінші сынып оқушысы Абзал Бекежан осы зияткерлік жарыстардың күміс жүлдегері атанды.
– Мен екінші орын алдым. Информатика олимпиадаларына көптен бері қатысқандықтан, бұл мен үшін қиын болған жоқ. Бірақ биыл алдыма қойған басқа да акценттер бар, сондықтан, менің ойымша, жақсы өнер көрсеткен жоқпын, – дейді Абзал Бекежан.
Н. Нұрмақов атындағы мамандандырылған мектеп-интернат-лицейдің 10-сынып оқушысы Әлішер Қазтаев та екінші орынды иеленді.
– Қазан айынан бастап біз информатика олимпиадасына дайындала бастадық. Бірінші тур онлайн болды, ал екіншісі офлайн форматта өтті. Мен басқа қалалардан достарымды көрдім, олармен сөйлестім. Биылғы жылы өткен жылдарға қарағанда оңайырақ болды, – деп бөлісті Әлішер Қазтаев.
Н. Нұрмақов атындағы мамандандырылған мектеп-интернат-лицейінің он бірінші сынып оқушысы Асқар Айбасов қола жүлдеге ие болды.
Олимпиаданың негізгі мақсаты – оқушылардың ақпараттық құзыреттілігін қалыптастыру және оқушылардың ақпараттық мәдениетін дамыту.