Қарағанды орталық саябағы жылды қорытындылады

Орталық саябақ жаңа жыл қарсаңында биылғы жылды қорытындылады. 2023 жылы Қарағандының ең танымал саябағы 177 іс-шара өткізіпті. Шығармашылық кездесулерге қаланың 200 мыңнан астам тұрғыны мен қонақтары қатысты.

Жыл бойы саябақта барлық мерекелер атап өтілді. Әсіресе жазда адамдар көп болды. Қала тұрғындары үшін шығармашылық кештер ұйымдастырылды, оған жергілікті театр ұжымдары қатысты. Жұмыс күндері мен демалыс күндері спорттық жарыстар мен фестивальдар өтті. Саябаққа келушілерге аллеяларда жас ақындар мен музыканттар өз өнерлерін көрсетті.

"Біз қарағандылықтарды ән-бимен, көрмелер мен өлеңдерімен, музыкалық, спорттық және басқа да шығармашылық нөмірлерімен қуантқан дарынды әртістерімізге алғысымызды білдіреміз. Саябақтағы демалысты ерекше еткен әрбір жанға рақмет!" – деп Орталық саябақтың басшылығы Instagram парақшасында қарағандылықтарға алғысын білдірді.

Желтоқсан айының соңына қарай мұнда желілік мұз айдыны қайтадан жұмыс істей бастайды. Қазір жұмыс жүріп жатыр, сондықтан мұзды басу айдынның беткі қабатын құртуы мүмкін. Ұжым тұрғындардан ресми ашылуды күтуді сұрайды