Тегін такси және ыстық шай: Қарағандыдағы аязды күндердегі жақсылық акциялары

Қарағанды мешіттерінде аязда дәстүрлі "Тегін такси"қайырымдылық акциясы жұмыс істей бастады.

– Акцияның бастамашысы Қазақстан ҚМДБ төрағасы Бас мүфти Наурызбай қажы Тағанұлы. Қарағандыда оны "Әнет баба" мешітінің бас имамы Естай Айтуғанұлы ұйымдастырды. Акцияға қаланың алты мешіті мен 30-ға жуық көлік қатысады. Бұл бір реттік іс-шара емес, ол қыс бойы аязды күндерде жалғасады. Көліктерде "тегін такси" жапсырмалары бар және кез келген адам қызметті пайдалана алады. Машиналар адамдарды Қарағандының кез келген жеріне жеткізетін болады. Қоғамға бей – жай қарамайтын тұрғындарды осы акцияға қатысуға шақырғым келеді, – дейді облыстық "Әнет баба" мешітінің наиб имамы Құмар Қоныскерей.

Облыстық мешіт басқа да қайырымдылық акцияларын өткізеді. Мысалы, ауа-райының қолайсыздығына байланысты қалааралық сегіз автобус жүре алмай қалған еді, оларда 150-ге жуық жолаушы болды.

– Адамдар бізге мешітке жеткізілді, онда олар жылынып, ыстық тамақ ішті. Таңертең бәрі үйлерінде қайтты. Сондай – ақ, аязды күні біз жол жұмысшыларына ыстық тамақ береміз, – деді Құмар Қоныскерей.

Қарағанды Жастар ресурстық орталығының, сондай-ақ облыстың мемлекеттік қызмет істері Агенттігінің Департаментінің еріктілері де аязды күндері коммуналдық қызмет қызметкерлері мен қала тұрғындарына қолдау көрсетеді. 

Олар қала тұрғындарына ыстық шай, тәттілер мен бауырсақ таратты.

Демеушілердің арқасында еріктілер 50-ге жуық адамды қамтыды. Жастар ауа-райының қолайсыздығында адамдарға көмектесуді жалғастыруға ниетті.