Қарағанды IT-хабында"Акселератор" бағдарламасынан өткен үздік командаға грант табысталды
"Террикон алқабы" IT-хабында "Акселератор" бағдарламасының биылғы соңғы демо күні өтті. Bayterek атауымен өндірісті басқарудың автоматтандырылған жүйесін құрған топ негізгі серіктес Yandex Cloud грантын алды.
IT-хаб ашылғаннан бері Қарағандыда "Акселератор" бағдарламасынан 140-тан астам команда түлеп ұшты. Оқу курсын өткізу барысында олар жаңа келісімшарттардан 400 млн теңгеден астам ақша тапты.
– "Акселератор" аясында кәсіпкерлер бизнесті дамытуға және оны нарықта кеңейтуге көмектесетін 9 апталық бағдарламадан өтуде. Биыл Қарағанды, Орал, Алматы, Шымкент және Астанадан 21 түлек болды. Өткен жылмен салыстырғанда Айти және жоғары технологиялық жобалар көп болды. Medtech бағытына үлкен мән беріледі. Сондай-ақ клиенттердің органикалық өсуі үшін бизнес-процестер мен сүзгілерді құруға көп сұраныс бар, – дейді "Террикон алқабы" IT -хабының директоры Сабыр Ниязов.
Шарада ең табысты жеті түлек өнер көрсетті. Өнеркәсіптік қауіпсіздік, computer vision, e-commerce, medtech, legaltech, edtech, аддитивті технологиялар саласындағы жобалар таныстырылды.
Іс-шараға инвестициялық қорлардың қызметкерлері, сала сарапшылары, жаттықтырушылар мен жекеменшік инвесторлар қатысты, олар командалардың атқарған жұмысына баға беріп, қай бағытта одан әрі дамуға болатынын айтты.
Нәтижесінде Yandex Cloud-тан 2 400 000 теңге көлеміндегі грант «Bayterek» өндірісті басқарудың автоматтандырылған жүйесін әзірлеу жобасына берілді. Жоба авторлары Astana Hub резиденттері болып табылады.
– "Террикон алқабы" бағдарламасынан үздік акселерацияны ала отырып, біз платформаны Қарағанды облысының өнеркәсіптік кәсіпорындарында таратуды жоспарлап отырмыз. Біз платформамызды QARMET кәсіпорнында таныстырып, енгізгіміз келеді. Өйткені жобаның ішінде жасанды интеллект негізінде көмір шахталарында метан концентрациясын өлшеу жүйесі бар. Акселерация кезінде Bayterek-ке авторлық құқық берілді. Берілген грант үшін Yandex Cloud-қа өте ризамыз және жүйемізді осы платформада сервис ретінде іске қосуды жоспарлап отырмыз, – дейді Bayterek жобасының авторы Рустам Айтжанов.
Болашақта Қарағанды IT -хабы әрбір "Акселераторда" үздік жобаларды инвестициялауды жоспарлап отыр.