Қарағанды оқушылары халықаралық байқаудың жүлдегерлері атанды

Қарағанды қаласындағы Назарбаев Зияткерлік мектебінің оқушылары "Математика және жобалау" халықаралық байқауында жүлделі орындарға ие болды.

ХIV халықаралық "Математика және жобалау" конкурсы қашықтықтан өтті. Қарағанды қаласындағы Назарбаев Зияткерлік мектебінің атынан 10-сынып оқушысы Аркадий Цай "Геометриялық және практикалық тапсырмаларды шешудегі оригаметрия" жобасымен және 11-сынып түлегі Әлішер Өмірзақ "Төртбұрышқа арналған косинустардың рационалды тригонометриясы мен теоремасы" жұмысымен өңіріміздің намысын қорғады.

- Қазылар алқасының мүшелері мені мұқият тыңдады, мен сөзімді аяқтағаннан кейін олар үш сұрақ қойып, оларға толық жауап бердім. Менің зерттеуімнің маңыздылығы оригами мен геометрияны пайдаланудың жаңа тәсілінде, ал олардың принциптеріне негізделген конструкциялар құрылыс саласында кеңінен қолданылады деп есептеймін, - дейді Аркадий Цай.

Байқау қорытындысы бойынша Аркадий бірінші орынға, ал Алишер екінші орынға ие болды.