Қарағандылық спортшылар үш әлем чемпионатында бес медаль жеңіп алды

Қарағандылық спортшылар бірден үш әлем чемпионатында – киокушинкай-кан каратэ, ММА және кикбоксингтен ерекшеленді. Спортшылардың жалпы қоржынында бес марапат бар: бір алтын және төрт қола.

Алматыда киокушинкай-кан каратэден әлем чемпионаты өтті. Жеңіс үшін 35 елден 700 мықты жауынгер шайқасты. Теміртаулық белгілі каратэші Никита Гарас 85 келіден астам салмақ дәрежесінде алтын медаль жеңіп алды. Металлургтер қаласының тағы бір өкілі 35+ (75 кг) жас санатындағы жаттықтырушы Дмитрий Лим әлем чемпионатының қола жүлдегері атанды.

Қазақстандық каратэшілер 115 медаль жеңіп алды. Мұндай нәтиже біздің құрамаға Ресей мен Жапонияны айналып өтіп, 2023 жылғы әлем чемпионатының жалпы есебінде жеңіске жетуге мүмкіндік берді.

Тағы бір әлемдік біріншілік, бірақ ММА бойынша, Албанияда, Тирана қаласында өтті. Үш қарағандылық ұлттық құрама сапында өнер көрсетті.

Александр Ивашкин мен Жовахир Абдраубов қола медаль жеңіп алды. Данил Губин 1/4 финалға шығу үшін мықты жекпе-жекте төрешілердің бөлек шешімімен есе жіберді, оған дейін барлық жекпе-жекте мерзімінен бұрын жеңіске жеткен болатын.

Бесінші медальді Португалияда өткен кикбоксингтен Әлем чемпионатында қарағандылық Руслан Степанов жеңіп алды.

81 келі салмақ дәрежесінде ол қола алды.

Қарағанды облысының дене шынықтыру және спорт басқармасының ақпараты бойынша