Президенттік олимпиадада қарағандылық оқушылар алтын, екі күміс және оқу грантын жеңіп алды

Е. А. Бөкетов атындағы Қарағанды университеті базасында өткен жаратылыстану және математика пәндері бойынша Президенттік олимпиадада Қарағанды облысының үш оқушысы жүлделі орындарға ие болды. Біздің аймақтың намысын барлығы 14 жас білгірлер қорғады.

Қарағанды қаласының № 2 лицейінің 11-сынып оқушысы Андрей Ким бірінші орынды иеленді.

– Мен бірінші рет еліміздің ең беделді олимпиадаларының бірінде облысымыздың атынан өнер көрсеттім. Тапсырмалар өте қиын болды. Менің ойымша, күшті бәсекелестік ешкімді жалықтырмады. Лицейдің педагогикалық ұжымына және өткен Президенттік олимпиаданың жүлдегері Ансар Сейтқалиге барлық кезеңдердегі кеңестері мен көмегі үшін өте ризамын. Болашақта IT-маман болғым келеді. Енді мен осы салада дами беремін, – дейді Андрей.

Теміртау қаласының "Озат" Ақпараттық технологиялар ОМ және Балқаш қаласының Ә. Ермеков атындағы мектеп-лицейінің он бірінші сынып оқушылары Рүстем Садықов пен Константин Мұстафин күміс медаль жеңіп алды. Константин сонымен қатар TURAN University грантының иегері атанды.

– Олимпиада үш кезеңде өтті: аймақтық, іріктеу және республикалық. Дайындық қыркүйек айынан басталды. Әрине, тапсырмалар күрделене түсті, төрт пәннің әрқайсысы (химия, биология, математика және физика) терең білімді қажет етті. Қарсыластар қарапайым мектептерден де, НЗМ-нен 11–12 сынып оқушылары болды. Грант – мен сенім артатын тамаша мүмкіндігім, – деп атап өтті Константин.

Олимпиадаға еліміздің барлық өңірлерінен барлығы 198 оқушы қатысты.

Зияткерлік жарыстарды ұйымдастырушы – "Дарын" республикалық ғылыми-практикалық орталығы.