Саран тұрғындары Ермағанбет Бөлекпаевқа 50 сұрақ қойды
Саран тұрғындары Қарағанды облысының әкімі Ермағанбет Бөлекпаевпен және басқарма басшыларымен кездесуде елу сұрақ қойды.
Орталық қазандық тапсырылған кезде РТБ шағын ауданындағы үйлер қалай қалпына келтіріледі, төмен кернеу мәселесін қалай шешуге болады – сарандықтарды осы мәселелер қызықтырды.
Аймақ басшысының Саран тұрғындарымен кездесуі № 6 жалпы білім беретін мектепте өтті.
Сарандықтар әкімге өзекті мәселелері жайлы айтып, бейінді басқармалар мен департаменттердің басшыларынан сұрақтарына жауап алды.
Кездесуде жиі қойылатын сұрақтардың бірі орталық қазандықты тапсыру мерзімі болды. Жайлылық үшін тұрғындарға орталық жылу көзі жетіспейді. Соған қарамастан, қала тұрғындары Саранның біртіндеп өзгеріп келе жатқанын атап өтуде.
– Орталық қазандықтың ұзаққа созылған құрылысы – мен үшін де өзекті мәселе, – деп сендірді Ермағанбет Бөлекпаев. – Бүгін кездесу алдында ол жаққа бардым. Қазір екі қазандық дайын, орталық жылу пунктіне дейін 12 км құбыр тартылды, жылу желілері бірінші кезектегі 135 нысанға жеткізілді. Келесі көктемде осы және басқа үйлерді қайта қосуды бастаймыз. Қазандықты іске қосу 2024–2025 жылыту маусымына жоспарланған. Біраз шыдамдылық қажет.
Орталық жылу көзінде қазандықтарды басқарудың автоматтандырылған жүйесі енгізіледі. Ол адам факторымен байланысты тәуекелдерді жояды. Саран қаласында бірінші жылы орталық қазандыққа 360-қа жуық үй мен әлеуметтік нысандар қосылады.
РТБ шағын ауданының тағдыры - көптеген қала тұрғындарын толғандыратын тағы бір мәселе.
– Тұрғындарды қараусыз қалған үйлер қашан қалпына келтірілетіні қызықтырады. Егер олар жөнделсе, онда қалаға жастар көшіп келер еді. Ол шағын ауданда балабақша, мектеп бола ма, инфрақұрылым қалай жаңартылады? Өңір басшысы бәрін түсіндіріп, жоспарлары туралы айтып берді. Әкімнің жауаптары қанағаттандырды, толыққанды жауап берді, үміт бар, – дейді Қоғамдық кеңес мүшесі, ақсақалдар кеңесінің төрағасы, Саран қаласының құрметті тұрғыны Болат Аброев.
Горняк шағын ауданының тұрғыны Зияш Каргин электр желілерінің жай-күйіне және үйлердегі кернеудің төмендігіне шағымданды.
– Бізде кернеу өте төмен, жарық күңгірт, электр құрылғылары дұрыс жұмыс істемейді, жиі жанып кетеді. Тіпті тоңазытқыш кешке қарай дірілдей бастайды. Біз жергілікті қызмет берушіге жүгіндік, оның балансында емес екеніміз анықталды. Бүгін бұл мәселені аймақ басшысына айттым. Бізге көмектеседі деп үміттенемін, – деді Зияш Каргин.
Сарандықтардың шағымын энергетика және ТКШ басқармасының басшысы Ербол Төлеуов назарға алды. Ол жағдайдың мән-жайын анықтауға уәде берді.
Саран қаласында облыс әкімімен кездесуге барлығы 50 адам келді. Әрбір өтініш пен шағым қаралатын болады, деп сендірді өңір басшысы.
Каждое обращение будет рассмотрено, заверил глава региона.
