Саран қаласындағы орталық қазандыққа жабдықтар орнатылуда

Саран тұрғындары орталық қазандықтың іске қосылуын күтуде. Қазір мұнда құрылыс-монтаж жұмыстары аяқталып, жабдықтар орнатылуда. Сонымен бірге үйлерге жылу желілері салынып жатыр.

Саранға жұмыс сапарымен Қарағанды облысының әкімі Ермағанбет Бөлекпаев барып қайтты. Ең бірінші өңір басшысы орталық жылу көзіне ат басын тіреді. Мұнда құрылыс-монтаждау жұмыстарының соңғы кезеңі басталды. № 1 және 2 қазандықтарда жабдықты монтаждау аяқталады. Жұмысшылар аумақты асфальттап, абаттандырумен айналысады.

Көппәтерлі үйлер мен әлеуметтік нысандарға бірнеше кезең-кезеңмен қосылады. Қазір қосылудың бірінші кезектегі үйлеріне жылу желілерін төсеу жүргізілуде. 10 бригада жұмыс істейді. Қажет болған жағдайда мердігер жұмыс күшін көбейтеді. Келесі жылыту маусымында қала жаңа жылу көзімен кіруі үшін 2024 жылы іске қосу жұмыстары басталады.

Сондай-ақ, өңір басшысы РТИ шағын ауданындағы 30 пәтерлі екі үйге барды. Оларды жеке инвестициялар есебінен қалыпқа келтірілді. Пәтерлердің бір бөлігі кезекте тұрғандар үшін сатып алынады.

Ермағанбет Бөлекпаев инфрақұрылыммен айналысуды – орталық жылытуды үйлерге тартуды, сондай-ақ аумақты абаттандыруды тапсырды.

Қалпына келтірілуі тиіс 23 үйдің екеуі қазірдің өзінде қоныстанған. Жақында тағы екеуіне тұрғындар көшеді. Қалған үйлер бойынша жұмыстар жалғасуда.

Облыс әкімі № 7 мектеп-интернаттың жанында 1,3 шақырым жолды қалай абаттандырғанын тексерді. Бұған дейін ата-аналар мен мектеп оқушылары шағымданған. Облыс әкімінің тапсырмасы бойынша жол ретке келтірілді, барлық жұмыстар оқу жылының басында аяқталды.