Қарағанды фотоклубы халықаралық фотофестивальдің Гран-приін жеңіп алды

"Қарағанды" фотоклубы Эстониядағы NOCTURNE-fest 2023 халықаралық фотофестивалінің жеңімпазы атанды. Қарағанды шеберлерінің қоржынында Гран-при және сегіз жүлделі орын бар.

Биыл халықаралық фотофестиваль 29-шы рет өтті. Өз жұмыстарын 12 елдің фотографтары ұсынды. Ұйымдастырушы 11 номинация бойынша жеңімпаздарды анықтады, оның ішінде "Портрет", "Түс", "Макротүсірілім", "Репортаж". 

"Қарағанды" фотоклубы фестивальге 15 фотограф жіберді. Олардың ондығы қысқа тізімге ілігіп, "Ұзақ поэтикалық саяхат" көрмесіне қатысты.

Алты қарағандылық сегіз жүлделі орынға ие болды. Бұл Виктор Майский, Юрий Шумский, Светлана Кудеринова, Роман Вайдов, Елена Шандер және Евгений Бондарь.

"Нарва" фотоклубының жетекшісі және фотофестивальдің ұйымдастырушысы Валерий Болтушиннің айтуынша, қарағандылықтар көрермендерді өздерінің керемет жұмыстарымен дүр сілкіндірді.

– Бұл "Қарағанды" клубы үшін алғашқы үлкен жеңіс. Әрине, медальдар мен сыйлықтар жеке фотографтарда болды, бірақ бүкіл клубта емес. Жеңіс біздің жақсы фотограф екенімізді, шығармашылығымызды халықаралық әріптестер мойындайтынын түсінуге мүмкіндік береді, – дейді "Қарағанды" фотоклубының жетекшілерінің бірі Светлана Кудеринова.

Қазір қарағандылық фотографтар Румынияда өтетін көрмеге дайындалуда. Экспозиция 2024 жылдың сәуіріне жоспарланған.