Қарағанды облысында қоғамдық көлікті жаңарту жүріп жатыр

Көлік инфрақұрылымын жақсарту үшін Қарағанды облысында автопарктерді жаңарту жұмыстары жалғасуда.

Жыл соңына дейін 195 автобус сатып алынады, оның 187-сі сатып алынды.

Нәтижесінде Қарағанды маңына қызмет көрсететін автобустардың 50%-ы жаңартылады, деп атап өтті облыс басшысы Ермағанбет Бөлекпаев ОКҚ брифингінде.

Сондай-ақ, биыл 1354 км автожол жөнделді, оның ішінде 700 км жергілікті желі. 

"Ауыл – Ел бесігі" жобасы бойынша 22 ауылдық елді мекенде жол жөндеу жұмыстары аяқталды.