Республика күні Саран қаласының 100 тұрғыны пәтер кілтін алды
Жиырма бесінші қазан Саран қаласының 100 тұрғыны үшін бақытты күн болды. Республика күні кезекте тұрғандар көптен күткен пәтер кілттерін алды.
1а шағын ауданындағы жаңа бес қабатты үй "Нұрлы жер" мемлекеттік бағдарламасы бойынша салынған. Жалға берілетін тұрғын үй көп балалы және толық емес отбасыларға, ерекше қажеттіліктері бар адамдарға және жетім балаларға беріледі.
Үйде жөндеуден өткен 1, 2 және 3 бөлмелі пәтерлер бар. Тұрғын үйді жиһазбен жабдықтау ғана қалады. Аула абаттандырылып, балалар алаңы орнатылды.
Зоя Зардханның төрт баласы бар. Отбасы ұзақ уақыт бойы пәтер жалдап келген, бірақ өз пәтеріміз болады деген үміті үзілмегенін айтады.
– 2013 жылы мен бюджет қызметкері ретінде кезекке тұрдым. Ал 2021 жылы мен төртінші баламды дүниеге әкелдім, мені көп балалы ретінде басқа кезекке ауыстырды. Ең үлкенім қазір 14 жаста. Балалар бізге пәтер берілгенін білгенде қатты қуанды. Олар көшуімізді тағатсыздана күтіп жүр. Мұнда балабақша, мектеп жақын жерде орналасқан, барлығына ыңғайлы болады, – дейді Зоя Зардхан.
Ал Теміртауда қоныс тойын кезекте тұрған 65 отбасы атап өтеді. Олар үшін "Қуатты өңірлер – елді дамытудың драйвері" ұлттық жобасы аясында Менделеев көшесі, 6/2 мекенжайындағы 65 пәтерлі үй сатып алынды.
Бақытты қоныстанушылардың бірі – Елена Симонова. Ол жұбайымен бірге сегіз бала тәрбиелеп отыр.
– Біздің отбасымыз үлкен, барлық балаларымыз қалаулы. Бірақ пәтерді жалға берушілердің көбі біздің отбасымызды көргенде, үйді бергісі келмей, айнып қалады. Бірнеше жыл бұрын бізге көмек ұсынылды, оңалту орталығының ғимаратында уақытша баспана берілді. Осы күнге дейін біз сол жерде өмір сүріп келдік, – дейді Елена. – Бізге жаңа үйде үш бөлмелі пәтер бөлінді. Өте жылы, ыңғайлы, кең. Өте бақыттымыз, жақында көшеміз. Жаңа пәтеріміз үшінші қабатта, ыңғайлы орналасқан, барлығы жақын. Осындай керемет сыйлық үшін мемлекетке рахмет! Барша халықты мерекемен құттықтаймыз!
Балалар үйінің түлегі Гүлім Дүйсекова 13 жыл бойы тұрғын үйге кезекте тұрған. Осы уақытқа дейін жатақханада бөлме жалдап тұрған.
– Маған бір бөлмелі пәтер бөлінді. Өте қуаныштымын. Жақсы жөндеуден өткен пәтер, мен көшуге дайындалып жатырмын, – дейді қыз.
Сондай-ақ Республика күніне орай Шет ауданында 24 отбасы және Нұра ауданында 35 отбасы пәтер кілтін алды. Шет ауданында Ақсу-Аюлы ауылында төрт отбасына, Ағадыр кентінде 16 отбасына және С. Сейфуллин кентінде 4 отбасына тұрғын үй бөлінді.
Кезекте тұрғандарды тұрғын үймен қамтамасыз ету "Қуатты өңірлер – ел дамуының драйвері" ұлттық жобасының арқасында мүмкін болды.
