Қарағандылық спортшы жасөспірімдер арасында грепплингтен әлем чемпионы атанды

Қарағандылық жауынгер Асанәлі Абаев грепплинг пен "ги"грепплингінен жасөспірімдер арасындағы әлем чемпионатында алтын алды. Спортшы екі бөлімде үздік атанды.

Әлем чемпионаты Грецияда (Лутраки қаласы) өтті. Халықаралық біріншілікке әлемнің 20 елінен 400-ден астам спортшы қатысты. Жас санаты – 14–15 жас.

Ұлттық құраманың құрамына ҚР кубогында үздік нәтиже көрсеткен жауынгерлер кірді. Олардың арасында Қарағанды джиу-джитсу академиясының және Satti Lux Stroy грепплингінің тәрбиеленушісі Асанәлі Абаев та бар.

​

– Жарысқа ең мықты спортшылар жиналды. Асанәлі Украина өкілімен алғашқы кездесуін өткізді. Қарсыласын жеңіп, жекпе-жекті мерзімінен бұрын аяқтады. Екінші күні де финалға шықты. 13:6 есебімен Украинадан келген қарсыласын жеңді. Нәтижесінде екі бөлімде жеңіске жетті. Мен Асанәліні шамамен 5 жыл жаттықтырамын, оның болашағы зор. Қайсар мінезі бар, –дейді Satti Lux Stroy академиясының грепплинг және джиу-джитсу бойынша бас жаттықтырушысы Айбар Оразалы.

Жас жауынгер 5 жасынан бастап спортпен айналысады және осы уақыт ішінде керемет нәтижелерге қол жеткізді. Бүгінгі таңда 13 жасар Асанәлі-грепплинг пен джиу-джитсудан жеті дүркін әлем чемпионы. Алда оның Абу-Дабиде бразилиялық джиу-джитсудан әлем чемпионаты бар. Қарағанды Satti Lux Stroy академиясынан жарысқа 50 спортшы қатысады.