Қарағандыда өтетін жәрмеңкеге фермерлер бір жарым мың тоннадан астам өнім әкеледі

Қарағандыда "Ауыл Береке" күзгі ауыл шаруашылығы жәрмеңкелері басталады. Біріншісі сенбі, 14 қазан күні Global City СОО аумағында өтеді.

Қала тұрғындары ет пен көкөністерді қол жетімді бағамен сатып ала алады. Қала әкімдігінің хабарлауынша, жәрмеңкеге өңірдің 100-ге жуық фермерлері мен тауар өндірушілері қатысады. Бір жарым мың тоннадан астам өнім жеткізіледі деп күтілуде.

Қалалық әкімдікте хабарлағандай, фермерлер 163 тонна ет, 980 тонна картоп, 250 тонна көкөніс, 48 тонна сүт өнімдерін әкеледі. Жарты миллион дана тауық жұмыртқасын сату жоспарлануда. Сондай-ақ балық және балық өнімдері болады.

Өнімдер орташа нарықтық бағадан 10-15% төмен бағамен ұсынылатыны атап өтілді.

Күзгі ауылшаруашылық жәрмеңкелері 28 қазан мен 4 қарашада да өтеді деп жоспарланған.

Жәрмеңкенің басталуы сағат 9:00-де.

Global Сity СОО 134 Есептік тоқсан, 921-құрылыс мекенжайында орналасқан.

Жәрмеңкеге келесі қалалық автобустармен жетуге болады: 5, 31, 40, 56, 63, 146, 02, 29.