Қарағанды облысында ерекше балалар асырап отырған отбасыларға кәсіпкерлер көмектесті

«Коктем» ЖШС» КФ» компаниясы мүмкіндігі шектеулі балаларды тәрбиелеп отырған 30 отбасын гигиеналық құралдармен қамтамасыз етті.

Қайырымдылық көмек көрсететіндерге мұқтаж отбасылардың тізімін Қарағанды облысы бойынша «Талбесік» көп балалы аналар қозғалысының өкілдері берді.

- Бүгін бұл отбасыларды кеңсеге шақырып, оларға көмек берді. Әр ана гигиеналық құралдар бар пакет алды. Бізге көмектескен кәсіпкерлерге үлкен рахмет, - деді Қарағанды облысы бойынша «Талбесік» көп балалы аналар қозғалысы жетекшісінің орынбасары Айжан Байділдинова.