Қарағандыда облыстық жас ақындар байқауының қорытындысы шығарылды

Қарағандыда "Күннен туған, Ғұннан туған – Мағжан!" қазақ ақыны және "Алаш" қайраткері Мағжан Жұмабаевтың 130 жылдығына арналған жас ақындар арасында өткен мүшайраның жеңімпаздары анықталды.

Поэтикалық сайысқа облыстың қалалары мен аудандарынан барлығы 50-ге жуық ақын қатысты.

Бірінші турға қатысушылар Мағжан Жұмабаев, оның шығармашылығы мен өмірі туралы өз шығармаларының өлеңдерін орындауы керек еді. Екіншісінде – еркін тақырыптағы жұмыс.

– Біздің облыста шығармашыл жастарды біріктіретін "Ұлағат" жас ақындар клубы жұмыс істейді. Клуб қатысушылары поэтикалық және жазушылық бағыттағы барлық облыстық іс-шараларға және жалпы біздің өңірдің мәдени өміріне қатысады. Біздің облыста талантты жастар өте көп, біз оларға өздерін көрсетуге мүмкіндік беруіміз керек, – деп есептейді Қарағанды облысының ЖРО директоры Аида Ысқақова.

Бас жүлдені облыстық Ortalyq Qazaqstan газетінің журналисі қарағандылық Ерік Нарын алды.

Бірінші орынды қарағандылық Қазақстан Жазушылар Одағының мүшесі, "Барокко болмыс" кітабының авторы Салтанат Қайырбек жеңіп алды.

Екінші орында Теміртаудан келген жас ақын Қазақстан Жазушылар Одағының мүшесі Әділет Шопен.

Үшінші орын Е. А. Бөкетов атындағы ҚарУ Студенттер үйінің қызметкері қарағандылық Бектас Жұманға бұйырды.

Жүлдегерлер дипломдар мен ақшалай сертификаттар алды.

Конкурсты ұйымдастырушы – Қарағанды облысының жастар саясаты мәселелері басқармасы.